Reagon babai i ish-shefit të kabinetit të Haxhinastos/ Sulmet ndaj meje, politike

27 Maj 2016, 06:50, Aktualitet CNA

Pronari i pikës së karburantit në Kavajë, e cila kishte bllokuar vendosjen e trafikndarëses ku për pasojë humbën jetën 2 fëmijë të mitur, ka reaguar përmes një njoftimi për mediat. Në vend që të kërkojë ndjesë për proceset gjyqësore dhe skandalin e ndodhur, ish-deputeti socialist, Pilo Keri, babai i shefit të Haxhinastos përpiqet të sqarojë dhe mbrojë biznesin dhe djalin e tij. Në asnjë rast dhe në asnjë resht nuk shikon një pikë ndjese për përgjegjësinë minimalisht morale të vetë Pilo Kerit por edhe të djalit të tij apo ministrit Haxhinasto, të cilët janë përgjegjës direkt për sigurinë në rrugë.

Janë të paktën 30 milionë euro në vit që përdoren për sinjalistikën rrugore, por për të shitur disa litra më shumë karburant, duke përfituar nga qënia e djalit të tij shef kabineti, akuzat mediatike janë të qarta, përgjegjësia për aksidentet është e ARRSH, institucion në varësi të ministrisë ku drejton djali i ish-deputetit Keri. Rastësia mund të jetë mbreti i botës, por në rastin konkret përtej rastësisë kemi dy viktima. Shef kabineti apo drejtor projektesh, minimalisht për moral dhe etikë, për papërgjegjshmërinë e institucionit që ai drejton dhe jetët e dy fëmijëve të humbura, djali i Pilo Kerit duhet të kishte dhënë minimalisht dorëheqjen.

Deklarata e plotë e firmës ?Penvis? pas akuzave që vijnë nga media

Në vijim të sulmit politik që po më bëhet prej rreth 3 javësh nga ?klane? të interesave klienteliste politike dhe mediatike, për gjoja favorizimin e punës së subjektit ?Pienvis? sh.p.k nga pozita e tim biri në Ministrinë e Transportit dhe Infrastrukturës, sqaroj opinionin publik se:

– Subjekti ?Pienvis? sh.p.k është krijuar në vitin 1995 me objekt punime ndërtimore dhe ka një eksperjencë 21 vjecare në këtë fushë.

– Të qenurit deputet i Partisë Socialiste në vitet 2005-2009, më detyroi të largohesha nga sektori privat për një periudhë të gjatë, por edhe e futi këtë subjekt në ?listën e zezë? të politikës.

– Im bir është rikthyer në Shqipëri pas 6 viteve studim jashtë vendit, në vitin 2011, ku dhe fillojë punë në sektorin e aviacionit civil, sipas ekspertizës që ka.

– Në vitin 2013 ai u pozicionua si këshilltar për aviacionin civil pranë Ministrisë së Transportit, si pjesë e programit LEAD Albania të Fondacionit Shqiptar-Amerikan për Zhvillim (AADF).

– Në Nëntor 2014, për shkakun e vetëm të performancës personale dhe tërësisht jashtë politike, u emëruar për një periudhë 1 vjeçare, si Drejtori Kabinetit në Ministrinë e Transportit, për të konkurruar më pas për të qenë pjesë e shërbimit civil.

– Pas procesit konkurrues, ai fitoi pozicionin e drejtuesit të nivelit të mesëm në një drejtori brenda ministrisë, detyrë që e ushtron me integritetin më të lartë.

– Këto janë spekulime dhe sulme politike që bëhen për shkak se më parë kam qenë deputet i Partisë Socialiste, por sulmet e drejtpërdrejta ndaj biznesit të ndershëm nuk mund të anashkalohen.

– Për të gjithë akuzat e rreme nga këto media të politizuara dhe klienteliste, unë do t?i drejtohem organeve kompetente. Shpifjet duhet të marrin fund një herë e përgjithmonë.