E fundit!

07:36 Ekonomi

Auditorët e BE: Projektet e transportit në Shqipëri dhe Ballkan, të ngadalta dhe të pambikëqyrura

Shqipëria, së bashku me vendet e tjera të Ballkanit Perënd...

Rama-Basha drejt takimit

26 Maj 2016, 21:11, Aktualitet CNA

Kryeministri Edi Rama dhe Kryetari i Partisë Demokratike Lulzim Basha duket se janë drejt finalizimit të takimit në kuadër të përmbylljes së procesit të miratimit të Reformës në Drejtësi. Rama dhe Basha, pothuajse në të njëjtën gjuhë politike kanë pohuar dhe shprehur gatishmërinë për t?u ulur në bisedime lidhur me përmbylljen e Reformës në Drejtësi.

Të dy krerët e partive kryesore kanë pranuar sot në emisionin ?Top Channel? se do të shkojnë drejt një takimi, për të cilin janë duke punuar edhe ndërkombëtarët. Ky fakt u pohua nga Kreu i PD-së Basha i cili u shpreh se faktori ndërkombëtarë po bën përpjekje për dialog mes palëve për pjesën ku Venecia thotë për dialog politik dhe vendimarrjen politike

?Edhe sot kam bërë përpjekje me faktorin ndërkombëtarë, edhe në këto momente, faktori ndërkombëtarë po bën përpjekje për dialog mes palëve për pjesën ku Venecia thotë për dialog politik dhe vendimarrjen politike, uroj dhe shpresoj që të ketë sukses. Shpreh bindjen dhe gatishmërinë time dhe të PD për dialog, formatin le ta zgjedhë kundërshtari. Ne kemi një format, që është Komisioni. Ka edhe formate të tjera. Çfarëdo formati që të zgjedhë kundërshtari politik, të çfarëdo niveli, Partia Demokratike dhe Lulzim Basha janë gati t?i përgjigjen.? ka deklaruar kreu i demokratëve.

Ndërsa Kryeministri Rama ka shkuar deri në ?ektremin? e artikulimit politik, pasi i është drejtuar me lutje Partisë Demokratike që të ulet në tryezë për të diskutuar dhe rënë dakort për Reformën në Drejtësi.

? Ftesa është bërë me shkrim dhe nëse doni ta kompletoni me gojë merreni si konfirmim. Është shumë e rëndësishmë që të bëjmë çdo përpjekje dhe nuk më vjen fare zor të them që i lutem PD që të mos e minojë një proces! Të mos e kyçë Shqipërinë në një zonë gri që mund të bëhet vrimë e zezë në procesin e integrimit.? është shprehur shefi i qeverisë Rama.

Mesa duket Rama dhe Basha janë më afër se kurrë një takimi të niveleve shumë të rëndësishme për shkak të peshës që mban Reforma në Drejtësi. Thirrjet e vazhdueshme të ndërkombëtarëve duket se kanë bindur dy rivalët që tryezat e bisedimeve janë e vetmja zgjidhje për përparimin e procesit të miratimit dhe zbatimit të reformave./citynews