E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Ministria e Ekonomisë marrëveshje bashkëpunimi për turizmin me Lituaninë

26 Maj 2016, 19:32, Aktualitet CNA

Ministria e Zhvillimit Ekonomik, Turizmit, Tregtisë dhe Sipërmarrjes nënshkruan me Ministrinë e Ekonomisë së Republikës së Lituanisë marrëveshjen ?Për bashkëpunim në fushën e turizmit?

Ministria e Zhvillimit Ekonomik, Turizmit, Tregtisë dhe Sipërmarrjes së Republikës së Shqipërisë dhe Ministria e Ekonomisë e Republikës së Lituanisë nënshkruan në Vilnus, Lituani, Marrëveshjen ?Për bashkëpunim në fushën e turizmit?.

Marrëveshja u nënshkrua për palën shqiptare nga Zv.Ministrja e MZHETTS, znj. Adela Karapici dhe për palën lituaneze nga Ministri i Ekonomisë, z.Evaldas Gustas.

Në ceremoninë e nënshkrimit, mori pjesë edhe Sekretari i Përgjithshëm i Organizatës Botërore të Turizmit, z. Rifai Taleb i cili u shpreh se ?Shqipëria është një yll në ngjitje në fushën e turizmit”.

Duke e cilësuar Lituaninë si një model të suksesit në integrimin e shpejtë në strukturat euro-atlantike, znj. Karapici vlerësoi bashkëpunim dhe mbështetjen e vazhdueshme të saj për procesin e integrimit evropian të Shqipërisë si dhe qëndrimin konstruktiv në rajonin tonë, në mbështetjen ndaj aspiratave euro-atlantike të të gjitha vendeve të rajonit dhe veçanërisht, ndaj Kosovës.

?Ne jemi të interesuar për zhvillimin e bashkëpunimit në fushën ekonomiko-tregtare ku me rëndësi konsiderohet krijimi i kuadrit ligjor të nevojshëm për zgjerimin e bashkëpunimit ekonomik?, theksoi znj. Karapici.

Me anë të kësaj marrëveshjeje synohet që Ministritë të zhvillojnë dhe përforcojnë marrëdhëniet në fushën e turizmit, dhe të zhvillojnë shkëmbimet ekonomike dypalëshe, të nxisin bashkëpunimin midis shoqatave të tyre të biznesit, të turizmit, institucioneve dhe organizatave të tjera të angazhuara në zhvillimin e turizmit.

Ministritë do të shkëmbejnë përvojën dhe informacionin statistikor në fushën e turizmit, me synim rritjen e fluksit të turizmit në vendet e tyre përkatëse dhe do i kushtojnë vëmendje të veçantë nxitjes së pjesëmarrjes në aktivitete që synojnë promovimin e turizmit. Marrëveshja hyn në fuqi ditën e nënshkrimit dhe është në fuqi për një periudhë 5-vjeçare, e cila rinovohet automatikisht .