web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Bregu: Shoqëria civile të kërkojë përfshirje në përparimin e Reformave

26 Maj 2016, 20:11, Aktualitet CNA

Kryetarja e Komisionit të Integrimit, njëherazi deputetja demokrate Majlinda Bregu është shprehur se shoqëria civile duhet të kërkojë me ngulm vullnet nga institucionet shqiptare për ta konsideruar si partner kritik që influencon e shtyn përpara reformat e jo si pengues që për mos ti dëgjuar kritikat. Ish-ministrja e Integrimit ishte e pranishme në Konventën e Integrimit Europian, ku u diskutua mbi nevojen e perfshirjes dhe bashkëpunimin e qëndrueshëm mes institucioneve publike dhe shoqërisë civile për avancimin e reformave që lidhen me anëtarësimin në BE.

“Eshte koha qe edhe shoqeria civile te mos mjaftohet vetëm me ngritjen e forumeve të hapura për dialog, por te kerkoje ngultas vullnet nga institucionet shqiptare për ta konsideruar Shoqerine Civile si partner kritik që influencon e shtyn përpara reformat e jo si pengues që për mos ti dëgjuar kritikat, ?harrojmë? ta përfshijmë në proceset vendimmarrëse.” ka deklaruar Bregu.

Ajo është shprehur se pjesëmarrja civile e vazhdueshme nga jashtë politikës eshte në udhëkryq dhe e pazhvilluar. “Nese pas 25 viteve nuk ka besim as mes palëve politike dhe cdo dite politika po ngjan edhe me e gjymtuar per t’ ju sherbyer qytetareve, edhe pjesëmarrja civile e vazhdueshme nga jashtë politikës eshte në udhëkryq dhe e pazhvilluar.
Format e reagimit tone civil jane te mekura, te kercenuara prej pushtetit ose mungeses se qendrueshmerise e varesise nga donatoret.”

Ish-Ministrja ka listuar katër elementë që sipas saj nevojiten që një shoqëri të ndryshojë dhe të zhvillohet.

“Që një shoqëri të ndryshojë e të zhvillohet, besoj nevojiten këta elemente te domosdoshëm:

E para, të sundojë ligji;
E dyta, të forcojmë institucionet e t’i bëjmë të qëndrueshme;
E treta, shoqëria të ketë kulturën e presionit civil për të mos lejuar që dy të parat të shkelen;
E katërta, është koha.” ka theksuar deputetja demokrate.





Lajmet e fundit nga