web counter
LEXO PA REKLAMA!

SHKARKO APP

App Store
Google Play

Flutura Açka i dhuron Veliajt këpucët e gruas që iu sekuestrua karroca e kokoshkave

26 Maj 2016, 20:58, Aktualitet CNA

Shkrimtarja Flutura Açka i ka dhuruar Kryebashkiakut Erion Veliaj këpucët e gruas së cilës ditën e djeshme iu sekuestrua karroca e kokoshkave. Përmes një reagimi nër rrjetet sociale, Açka shkruan se kur zonja humbi ndjenjat, këpucët e saj mbetën në trotuar. Shkrimtarja shkruan se këpucët e gruas i ka marrë dhe i ka ruajtur, ndërsa shton se po ja dhuron Bashkisë që t’i ketë për Muzeun e Historikut të saj.

“Mbase kujtohen se këta qytetarë nuk kanë ndonjë dëshirë të madhe të piqen në diell, as në shi dhe në të ftohtë për të këqyrur qytetarët që kalojnë atypari, por për bukën e gojës. Dhe kërkesa për bukën e gojës është instinktive dhe gjëja më humane e dykëpucëshit njeri, veçmas atij të paqtë. Kur t’i kesh sekuestruar vilat e vjedhura, llogaritë bankare të pajustifikuara, kur të kesh pastruar troturët e zënë nga bosat e mafias (miqtë e miqve), kur t’ia kesh siguruar kësaj gruaje bukën e gojës si shtetar që ke përgjegjësi për të, dhe votën e saj, atëherë, po: atë karrocë ke të drejtë ta heqësh, jo ta tërheqësh zvarrë. Ta paralajmërosh që ta heqë si qenie njerëzore që ka arsye dhe e kupton se qyteti duhet të bëhet më i bukur, por jo si ‘armike’. ” shkruan Açka në reagimin e saj. 

Shkrimtarja shton se situata me policinë është bërë e papranueshme. Ajo sugjeron se policët duhet edukuar dhe mësuar neni numër 1: ajo është në shërbim të qytetarëve të vet, dhe jo armike e tyre.





Lajmet e fundit nga