web counter
LEXO PA REKLAMA!

SHKARKO APP

App Store
Google Play

Dekriminalizimi/ Ylli Dylgjeri ironi: Pse Papët zgjedhin një emër tjetër?

26 Maj 2016, 22:00, Aktualitet CNA

Politologu Ylli Dylgjeri ka ironizuar ndryshimin e emrit nga ana e zyrtarëve publikë të cilët përmes formularëve të vetëdeklarimit janë pohuar se më parë mbanin të tjerë emra. Përmes një postimi në rrjetet sociale, Dylgjeri parashtron shembullin e ndryshimit të emrit nga ana e Papëve katolikë.

“Nuk e kam fjalën për gazetarin Robert Papa. Që e ka emrin Robert Papa në jetë, e Bob Hill në FB. Kjo mund të jetë një hobi për tu amerikanizuar e gazetarit që jeton sot në SHBA. Fjala këtu është për Papatin.
Papët i ndryshojnë emrat e tyre pasi zgjidhen në këtë post përt të përmbushur një traditë të lashtë: ajo është një shenjë e përkushtimit të plotë për detyrën e re. Njëherësh ka dhe arsye që lidhen me admirimin e paraardhësve ose për të shënuar vazhdimësinë dhe respektin. Emrat e Papëve më të përdorur janë Giovanni (Gjon) 23 herë, Benedetto 16 here, etj, etj.” ka shpjeguar Dylgjeri.

Ndërsa vijon më tej duke artikuluar se sipas kësaj logjike, edhe pasardhësi i Kryetares së KQZ-së duhet të mbajë emrin e saj. “Dmth është pak a shumë, që nëse dikujt i ka pëlqyer puna ose është e lumtur me emrin e Lefterie Lleshit (Kryetare e KQZ), mund ta vendosë atë si emër për kryetaren pasardhëse, paçka se edhe vetë Lefteria del se s’ka qenë e lumtur me emrin e parë.” shkruan politologu, ndërkohë ka parashtruar këtë pyetje:

Po emrat e personaliteve shqiptare që nga Presidenti, kanë lidhje me këtë traditë fetare? Nuk mund të thuash me plotë gojën as po, e as jo!

Sipas Dylgjerit ata që kanë ndryshuar emrat janë njohur për ateistë, dhjetoristë e kriminelë.  “Një pjesë e atyre që i kanë ndruar emrat i njohim deri më sot për ateistë. Një pjesë tjetër për dhjetorist e akrobatistë, dhe çfarë mbetet janë objekt për kriminalistë. Pra, edhe kjo traditë papale në këtë vend, nuk zë vënd. Ajo çka zë vend këtu është vetëm kënga e njohur e Modern Talking: No face, no name, no number.” përfundon Ylli Dylgjeri.





Lajmet e fundit nga