web counter
LEXO PA REKLAMA!

SHKARKO APP

E fundit!

x

Hafizi, sherr me Nikollën në mbledhjen e grupit

10 Maj 2016, 17:29, Aktualitet CNA

Deputetja Mimoza Hafizi ka debatuar me tone të ashpra me ministren e Arsimit Lindita Nikolla sot gjatë mbledhjes së grupit parlamentar socialist. Mësohet se bëhet fjalë për denoncimin e deputetes socialiste, lidhur me shkarkimin nga puna të një mësueseje për shkak se kishte mbështetur “Lëvizjen Shqipëria mbi Partinë”.

Shqetësimi është ngritur edhe në mbledhjen e grupit të PS, pas largimit të ambasadorëve Lu e Vlahutin. Në përgjigje të Hafizit, ministrja Nikolla është shprehur se pretendimet deputetes janë të pabaza, pasi mësuesja detyronte nxënësit që të ndiqnin kurset e saj private, në këmbim të një notë të lartë në lëndën që jepte. Gjithashtu, Nikolla ka theksuar se mësuesja në fjalë është aktualisht nën hetim.

Kreu i PS-së nuk ka mbetur jashtë debatit. Ai i ka kërkuar Hafizit të mos përdorë atë gjuhë, pasi çështjen e ka konsumuar edhe mediatikisht. Pas këtij debati, deputetja Mimoza Hafizi ka braktisur mbledhjen e grupit parlamentar të PS.

 





Lajmet e fundit nga