web counter
LEXO PA REKLAMA!

SHKARKO APP

App Store
Google Play

Zhvillimet politike/ Në PD nuk e dinë se ç’po ndodh

10 Maj 2016, 15:02, Aktualitet CNA

Partia Demokratike është e paqartë për qëndrimin e saj dhe kushtet që ka vendosur për të miratuar Reformën në Drejtësi. Në një hark kohor prej 24 orësh, kryetari i PD, Lulzim Basha, dhe deputetja Jorida Tabaku, kanë mbajtur qëndrime të ndryshme për sa i përket kushtëzimit për miratimin e Reformës në Drejtësi.

Ditën e djeshme, pas mbledhjes së grupit parlamentar të PD, kryetari Lulzim Basha deklaroi se pa një reformë zgjedhore që garanton zgjedhje të lira dhe të ndershme asgjë tjetër nuk do të funksionojë normalisht në këtë vend. Kjo deklaratë e Bashës la të nënkuptohej se PD e kushtëzoi Reformën në Drejtësi me Reformën Zgjedhore.

?Partia Demokratike dhe unë e kemi bërë të qartë prej fillimi, pa një reformë zgjedhore që garanton zgjedhje të lira dhe të ndershme asgjë tjetër nuk do të funksionojë normalisht në këtë vend.?, u shpreh Basha

Sot, deputetja Jorida Tabaku, e ftuar në televizionin Ora News, është përpjekur të devijojë nga deklaratat e Bashës. Ajo u shpreh se Reforma zgjedhore nuk është kusht për reformën në drejtësi, pasi PD ka votuar për ?Drejtësinë? në parim.

?PD ka votuar në parim reformën në drejtësi dhe ky është fakt pra nuk mund të flasim për kushte por pa reformën zgjedhore që garanton votën e lirë dhe të ndershme nuk mund të flasim për funksionim të demokracisë?

Këto deklarata nga kreu i PD dhe nga deputetja Tabaku janë disi kontrakdiktore dhe tregojnë se në PD ose nuk ka rakordancë për ato që thuhet ose deputetët dhe kryetari Lulzim Basha nuk e ka idenë se cfarë po ndodh.





Lajmet e fundit nga