E fundit!

11:31 Aktualitet

Tri dekada në polici/ Kush është drejtori i ri që pritet të marrë komandën për Tiranën

Adriatik Tafçiu, i renditur i pari në procesin e vlerësimi...

Partia Demokratike dhe portali i “tigrit” për “dekriminalizimin”

10 Maj 2016, 10:06, Aktualitet CNA

Kryetari i Paritsë Demokratike, Lulzim Basha, zbuloi dje strategjinë e opozitës për të hapur një portal ku qytetarët do të denoncojnë lidhjet me krimin të zyrtarëve të cdo niveli. Basha ftoi të gjithë qytetarët shqiptarë të bëhen pjesë e zbatimit të ligjit për dekriminalizimin duke denoncuar pranë portalit të posaçëm me informacione konkrete çfarë dinë ata për zyrtarët e inkriminuar në fshatin, qytetin, rrethin, qarkun e tyre, në çdo nivel nga drejtorë e zyrtarë ujësjellësash e deri tek anëtarë të Kuvendit të Shqipërisë, apo ministrat e kabinetit ?Rama-Meta?.

Por, hapja e këtij portali mund të përkthehet në mungesën e besimit të qytetarëve ndaj kreut të saj Lulzim Basha. Ky i fundit u shpreh se qytetarët do të denoncojnë lidhjet e zyrtarëve me krimin, deklaratë e cila vërteton se PD nuk është e aftë të kryejë vetë investigime dhe të zbulojë zyrtarët që kanë lidhje me krimin. Për më tepër ai portal është një shkëputje e Lulzim Bashës nga qytetarët, në të kundërt me Berishën i cili numrin e telefonit e ka publik dhe nga rrjetet sociale trondit qeverinë.

Ndryshe nga Berisha, i cili i merr denoncimet e qytetarëve personalisht, Lulzim Basha, kërkon të hapë një portal për të regjistruar këto denoncime, pasi qytetarët nuk ndjehen të sigurt nëse denoncimet e tyre ja dërgojnë vetë krytarit Basha. Pra thjesht qytetarëve ju mungon besimi tek Basha dhe zgjidhe kanë ish-kryeministrin Berisha.

Në ndryshim nga Berisha, kryetari Basha nuk ka publikuar asnjë numër celulari, nuk ka bërë asnjë thirrje publike që qytetarët të shprehin pakënaqësitë e tyre me një sms në rrjete sociale. Kjo, ndoshta edhe për faktin se Basha e di që nuk do tu përgjigjet qytetarëve dhe nuk mund të përfaqësojë zërin e denoncimeve të tyre.

Kush do ti administrojë denoncimet ?

Një tjetër fakt që tregon se portali i denoncimeve është thjesht një deklaratë sa për të tërhequr vëmendjen e publikut është stafi që do të administrojë denoncimet e qytetarëve. Kryetari Basha ka riorganizuar partinë duke vendosur i dhënë poste të rëndësishme personave si Ervin Salianji & Co. në rast se ky portal i cili do merret me denoncimet e qytetarëve për zyrtarët e inkriminuar do të lihet në duart e ?tigrit?, për PD do të ishte një katastrofë. Administrimi i denoncimeve nga Salianji & Co, do të ishte njësoj sikur denoncimet të shkonin në drejtim të Ramës dhe Metës, direkt apo edhe nëpërmjet Henri Çilit, i cili do t?ja ridërgonte krerëve të qeverisë.

Portali i denoncimeve që PD kërkon të hapë është strategji e mirë për të zbuluar dhe më pas për ti bërë publike emrat e zyrtarëve të cdo niveli që kanë pasur të kaluar kriminale, por nuk mjafton vetëm denoncimi i qytetarëve për të luftuar këtë fenomen. Administrimi i denoncimeve, në fakt është më i rëndësishëm se sa vetë denoncimi. Lënia e denoncimeve në dorën e ?Salianjëve? do të sjellë dështimin e portalit, kjo për faktin se askush nuk ka besim tek stafi që mbështjell Bashën dhe kontrolli i denoncimeve nga këta individë është njësoj si ti conin denoncimet tek kryeministri./citynews