web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria merr formularët e dekriminalizimit për zyrtarët e dyshimtë

10 Maj 2016, 06:26, Aktualitet CNA

Prokuroria ka filluar dje procesin e marrjes në dorëzim të të gjithë formularëve të dekriminalizimit, të cilët janë shfaqur me probleme. Pas përfundimit të dorëzimit të formularëve, tashmë ka filluar verifikimi i tyre dhe mësohet se paraprakisht janë evidentuar rreth 100 formularë të zyrtarëve të lartë me probleme.

“Sot” shkruan se rasti i formularit të Elvis Roshit, pak ditë më parë, ka bërë që të intensifikohet puna në këtë procesin e verifikimit. Pikërisht për këtë arsye, kryeprokurori Adriatik Llalla ka zhvilluar një vizitë dje me kryetaren e KQZ-së, Lefterie Luzi, me të cilën ka biseduar për rreth 45 minuta në zyrën e kësaj të fundit. Takimi është zhvilluar pa praninë e mediave, por mësohet se Luzi e ka njohur Llallën me problemet që janë konstatuar në formularët e dorëzuar deri në datën 4 maj.

Mësohet se janë rreth 100 zyrtarë të lartë të cilët do të kalojnë në një filtër brenda muajit maj për shkak të problemeve të konstatuara në formularët e tyre. Adriatik Llalla ka kërkuar që t?i vihen pikërisht këto dosje në dispozicion për të nisur më pas procedurat që parashikohen në ligjin për dekriminalizimin.





Lajmet e fundit nga