web counter
LEXO PA REKLAMA!

SHKARKO APP

App Store
Google Play

FOTOT/ Edi Rama i blinduar në Shkodër

9 Maj 2016, 18:03, Aktualitet CNA

Kryeministri i vendit, Edi Rama, ka qenë sot në qytetin e Shkodrës për ditën ndërkombëtare të Europës nën masa të rrepta sigurie.

Fotot e mëposhtme tregojnë masat e marra dhe  rrethimin e zonave ku lëvizte dhe zhvillonte takimet kryeministri Edi Rama.

Në foto shihet se e gjithë zona është mbushur me efektivë policie, policë të veshur civilë dhe është kryer kontroll me qen të stërvitur kundër lëndëve eksplozive.

Personat që shkonin në aktivitet janë kontrolluar imtësisht, jo sikur të ishin qytetarë dhe intelektualë të ftuar me protokoll, por trupat e qeverisë që rrethuan zonën i trajtonin si banditë duke i kontrolluar në këpucë apo canta me pajisjen kundër armëve të ftohta dhe të zjarrit.

Fotot e mëposhtme tregojnë mjaft qartë se kryeministri i vendit ka qenë në panik në Shkodër dhe këtë panik e kanë treguar forcat zyrtare të sigurisë, të cilat duket se janë sjellë sikur kryeministri i vendit nuk do takohej me qytetarë dhe intelektualë shkodranë me ftesa, por sikur do të ishte me një sekt banditësh jashtë kontrollit.

Në fakt, ky blindim i qytetit të Shkodrës është ironi për ditën ndërkombëtare të Europës. Nga këto foto, Shkodra mund të ngjasojë me këdo qytet, por jo me një qytet europian. Ky duket një terror i qartë policor ditën kur në fakt kryeministri Rama duhet të shkonte në Shkodër si qytetar i thjeshtë dhe jo si një njeri i cili ka frikë nga qytetarët e tij. Ai flet gjithë ditën dhe tregon se ka fituar 1 milionë vota dhe ato do ti shtojë, por tashmë duket qartë se më shumë se fitore ato votë i ka frikë dhe shuplaka ndaj vetes./citynews





Lajmet e fundit nga