web counter
LEXO PA REKLAMA!

SHKARKO APP

App Store
Google Play

E fundit!

x

Eduard Selami shpërthen kundër Bashës/ Në PD s’ka demokraci

9 Maj 2016, 15:08, Aktualitet CNA

Ish kreu i Partisë  Demokratike, aktualisht  deputet i kësaj force politike, Eduard Selami ka shpërthyer në mbledhjen e sotme grupit parlamentar kundër kreut aktual të PD, Lulzim Bashës.

Një mbledhje e gjatë ku fokusi ishte tek  Reforma në Drejtësi dhe  Reforma  Zgjedhore, e cila në fakt e ka cuar Selamin të vërë gishtin në plagë.

Duke folur në mbledhjen e grupit,  gjatë diskutimit për  Reformën  Zgjedhore, Selami i është  drejtuar Bashës duke i thënë se nuk po zhvillon zgjedhje demokratike në parti. Ai ka theksuar se themeluesit dhe anëtarët prej shumë vitesh në PD nuk janë thirrur në mbledhje, ku një nga ata ka qenë edhe ai.

?Ti flet për reformë zgjedhore, ndërkohë në parti nuk bën zgjedhje të rregullta. Nuk ka asnjë kriter dhe rregulla për këto zgjedhje, por ka vetëm zgjedhje në zonat të cilat kërkohen të mbahen nën kontroll dhe të vendosen influenca?, tha Selami në mbledhjen e grupit

Ky nuk është shpërthimi i parë i Eduard Selamit ndaj Bashës. Disa herë, ai i ka kërkuar Bashës të jetë i kujdesshëm në aksionin e opozitës dhe  organizimin brenda strukturave.

Mësohet se Selami ka ngritur rebelimin e kryetarëve të degëve të cilët janë shprehur kundër votimeve brenda PD në disa zona dhe në disa të tjera jo. Përpara një jave, Selami së bashku me krerët e degëve kanë kërkuar takim me kryetarin Lulzim Basha, takim që nuk që ende nuk është zhvilluar./citynews





Lajmet e fundit nga