Miratohet në parim Reforma në Drejtësi

9 Maj 2016, 10:03, Aktualitet CNA

Drafti i Reformës në Drejtësi është miratuar sot në parim nga përfaqësuesit e mazhorancës dhe opozitës në mbledhjen e Komisionit të Posaçëm. Në një deklaratë për mediat, deputeti i PD-së, njëherazi Nënkryetar i Komisionit për Reformën në Drejtësi, tha se opozita votoi në parim Draftin, ndërsa duke filluar që nga dita e nesërme, do të dikutohen amendamentet nen për nen.

?Opozita në këtë komision votoi pro fillimi të diskutimit të amendamenteve nen për nen, proces që do nisë nesër dhe do vijojë në ditët e ardhshme.? tha Halimi.Ky i fundit theksoi se vota pro në parim nga ana e opozitës nuk nënkupton votë pro edhe për nenet që kanë të bëjnë me çështjet politike që nuk janë marrë ende në trajtim. “Vota jonë pro fillimit të procesit të amendameteve nuk duhet të intepretohet si një votë pro çështjeve politike të cilët ekspertët nuk i kanë marrë në trajtim. Ne përsërisim thirrjen tonë drejtuar maxhorancës që çështjet politike të fillojnë të negociohen sa më parë” u shpreh deputeti demokrat. Halimi tha se bëhet fjalë për institucionet e reja kushtetuese, emërimet e tyre dhe ndërprerjen e mandateve kushtetuese, që sipas tij janë çështje që i adresohen politikës.

“Sot përfunduam procesin e diskutimeve të draftit të sjellë nga ekspertët e EURALIUS dhe OPDAT, të draftit të rishikuar të datës 4 maj. Opozita në këtë komision pas qëndrimit të shprehur qartë edhe ditën e djeshme, qëndrim i cili u bë edhe gjatë ditës së sotme në komision, votoi pro fillimit të diskutimit të amendamenteve nen për nen, amendamente të cilat do të fillojnë diskutimin nga dita e nesërme dhe në ditët në vijim. Vota jonë pro fillimit të procesit të amendamenteve, të diskutimeve nen për nen të amendamenteve Kushtetuese, nuk duhet të interpretohet, ashtu siç dhe u ra dakord në mbledhje, nuk duhet të interpretohet si një votë pro çështjeve politike, të cilat ekspertët e misionit të EURALIUS dhe OPDAT nuk i kanë marrë në trajtim. Çështje të cilat, siç edhe opinioni publik dhe opinioni ndërkombëtar i di, janë çështje që kanë të bëjnë me institucione të reja Kushtetuese dhe me emërimet e këtyre institucioneve apo me ndërprerjen e mandateve kushtetuese, janë çështje politike për të cilat qoftë ekspertiza ndërkombëtare, qoftë Komisioni i Venecias pothuajse në të gjitha paragrafët e tij, ia adreson politikës. Ndaj ne sot përsëritëm thirrjen tonë drejtuar mazhorancës që çështjet politike të fillojnë dhe të negociohen sa më shpejt në mënyrë që votimi në tërësi së bashku me të gjitha ligjet që do të shoqërojnë amendamentet kushtetuese të merret dhe të miratohet pa vonesë gjatë javëve dhe muajve të ardhshëm.” tha Halimi./citynews