E fundit!

10:45 Aktualitet

Renditja e kandidatëve/ Emrat që pritet të marrin drejtimin e DVP-ve në disa qarqe

Mbyllet procesi i vlerësimit për kandidatët që synojnë të ...

Deklaratë e Policisë së Shtetit: Ndalni menjëherë sulmet politike

10 Maj 2016, 13:31, Aktualitet CNA

Policia e Shtetit ka bërë thirrje partive të ndalin sulmet politike ndaj saj. Përmes një deklarate për shtyp, Policia e Shtetit shkruan se ajo ka arritur rezultate të konsiderueshme në përballjen me krimin. Sipas saj, situata e deklaratatat dhe shpifjet ndaj Policisë janë tepërta, të padrejta dhe presione politike ndaj burrave dhe grave, të rinjve e të rejave në Policinë e Shtetit.

Deklarata e Policisë

Ndalni menjëherë përbaltjen ndaj Policisë së Shtetit

Pas shumë deklaratave të pavërteta, shpifjeve dhe akuzave politike ndaj Policisë së Shtetit, pas përbaltjeve të përditshme ndaj punonjësve të Policisë së Shtetit, bëjmë me dije opinionin publik se këtë situatë e konsiderojmë tërësisht të tepërt, të padrejtë dhe presion politik ndaj burrave dhe grave, të rinjve e të rejave në Policinë e Shtetit.

Policia e Shtetit ka arritur rezultate të konsiderueshme në përballje me krimin.

Këto rezultate janë falë punës dhe sakrificës së punonjësve të Policisë përballë krimit.

Policia sot lufton me krimin, me korrupsionin, me paligjshmërinë e çdo natyre, duke sakrifikuar për shkak të mungesës së infrastrukturës, buxhetit të duhur dhe kushteve për të hetuar siç duhet.

Policia e Shtetit përpiqet t’i shërbejë qytetarëve, besimi i të cilëve na jep më shumë forcë për t’u përballur me krimin.

Vështirësitë janë të panumërta, nga kriminelët e rrugës tek ata që deri dje e quanin veten të paprekshëm. Por çdo sulm politik, çdo përbaltje e shpifje, është një goditje më shumë për Policinë e Shtetit e një mbështetje më shumë për ata që shkelin ligjin.

Përveç sakrificave të punës së përditshme, përbaltja konstante, sulmet politike, janë tërësisht të papranueshme e të pamerituara, për çdo punonjës policie që sakrifikon përballë krimit.

Përmendja e emrave të punonjësve të policisë, thjesht e vetëm për akuza politike, është veprim i papranueshëm për shtetin e të drejtës dhe luftën kundër krimit.

Sulmet ndaj policisë janë përkrahja më e mirë ndaj krimit. Ndaj ndalni menjëherë sulmin politik ndaj policisë. Ndalni menjëherë përbaltjen politike të përditshme ndaj Policisë.

Çdo subjekt politik që pretendon se ka fakte kompromentuese ndaj punonjësve të veçantë të policisë, është i ftuar t’i depozitojë pranë SHÇBA, Prokurorisë dhe organeve të tjera ligjzbatuese.

Në të kundërt, ndalni sulmin e përbaltjen politike ndaj Policisë.