E fundit!

17:50 Kronika

Morën ryshfet nga shoferi/ AMP arreston në flagrancë 2 punonjës policie

Agjencia e Mbikëqyrjes Policore ka arrestuar në flagrancë ...

Imoraliteti politik me "largimin" e Koço Kokëdhimës/Nga Elvi FUNDO

10 Maj 2016, 11:28, Aktualitet CNA

Dje Gjykata Kushtetuese dha vendimin për heqjen e mandatit rtë deputetit, Koço Kokëdhimës. Një biznesmen, pronar mediash, por i futur në politikë nga miku i tij Edi Rama. Futje e cila ka rezultuar e dështuar, për faktin se Kokëdhima shihet si figurë e papranueshme jo vetëm nga opozita por edhe nga shumica e socialistëve.

Në fakt mandati tashmë është hequr dhe Kokëdhima tani është një qytetar i thjeshtë pa imunitet, por me mandat sekretari në Partinë Socialiste. Ai është Sekretar për Reformën Strukturore dhe Emigracionin, një individ i zgjedhur në asamble dhe në kryesinë e socialistëve. Kokëdhima megjithëse pa mandat me vendim gjykate, dje deklaroi se rruga e tij në politikë nuk përfundonte këtu, edhe pse humbi karrigen e deputetit, pasi u akuzua nga opozita se kishte përfituar të paktën 150 tendera kur kishte fituar mandatin e deputetit.

Koço Kokëdhima nuk u ndal dje. Heqja e mandatit nuk e ndali që të paktën të kërkonte një ndjesë publike, kjo jo vetëm se ai shikon përballë Ilir Beqen. Ministri i Shëndetësisë ngeli pa mandat për të njëjtyën arsye si Kokëdhima, por u rikthye edhe më i fortë dhe i rëndësishëm. Nga një ish-deputet me mandat të hequr u ngrit në detyre dhe u bë ministër.

Këtu qëndron imoraliteti i heqjes së mandatit të Koço Kokëdhimës. Atij i hiqet mandati sepse ka shkelur kushtetutën, por sot mund të bëhet ministër apo pas një viti ai mund të rikthehet sërish deputet dhe ministër bashkë. Shkelja e kushtetutës nuk duket të jetë kriminale. Atë e shkel sa herë të duash dhe pas ca muajsh kryetari i partisë të çon sërish në kolltukun e parlamentit.

Me ligjin për dekriminalizimin, në rast se një qytetar bën një aksidet pa dashje dhe ai dënohet, humbet të drejtën të zgjidhet për dy dekada. E njëta gjë ndodh edhe po të jesh deputet. Pra ikën mandati dhe pas dënohesh nuk mund të rikthehesh, pasi ke konsumuar një vepër penale. Në rastin kur shkel Kushtetutën nuk ka asnjë problem. Mund të rikthehesh dhe të fitosh mandatin pas disa muajsh, mund të bëhesh edhe ministër si Ilir Beqja.

E gjitha kjo është një imoralitet politik që tregon se kushtetutën e kemi një lecke që përdoret politikisht. Shkelja e saj nuk ka asnjë pasojë për politikanët tanë. Ata që flasin në emër të kushtetutës, Kushtetutën e kanë thjesht për show, shkelja e saj të rikthen dhe të bën më të fortë. Këtë tha edhe dje Koçoja kur foli për rrugën e tij ende të gjatë në politikë./citynews