Skandali/ Tenderi fitohet me 100% të vlerës

10 Maj 2016, 17:13, Aktualitet CNA

Ndodh në Shqipëri dhe nuk është më çudi, ndodh në një bashki të vogël, por që përgjegjësinë ligjore e ka të njejtë. Skandali ku tenderi jepet me 100% te vlerës së fondit limit ka ndodhur në Bashkinë e Pustecit, një njësi vendore më minoritet sllavo-maqedonas.

Tenderi i zhvilluar nga Bashkia e Pustecit vetëm disa ditë më parë, në datën 3 maj, ka pasur për objekt blerjen e një mjeti fadromë. Citynews investigoi rastin dhe rezulton se kemi të bëjmë me një procedurë prokurimi ku ofertuesit e tjerë ?tërhiqen papritur? nga gara. Janë 5 subjekte në garë nga të cilët 4 janë tërhequr nga tenderi, duke gjetur justifikime të ndryshme. Kjo ka bërë që Bashkia Pustec të shpallë fituesin me 100% të vlerës.

Siç duket në dokumentin e mëposhtëm, burimi i financimit do të jetë Buxheti i Shtetit, ndërsa fondi limit është 25 milionë lek të vjetra. Referuar dokumentit zyrtar, Operatorët ekonomik START CO, BEQIRI, dhe AE janë tërhequr për shkak se kanë përllogaritur gabim fondin limit. Ndërsa operatori tjetër ?ADI Company? është tërhequr me pretendimin se nuk realizonte dot lëvrimin e mallit brenda afatit të caktuar. Të dy motivet e paraqitura nga katër subjektet garuese të çojnë në dyshime lidhur me zhvillimin e tenderit në fjalë. Fitues me 100% të vlerës siç duket edhe mëposhtë, sepse për disa gabime 4 konkurentë u tërhoqen ?rastësisht?.

Në fakt tërheqja e dokumentave nga gara është e përsëritur në Shqipëri, subjekte të ndryshme ndërhyjnë në gara thjesht dhe vetëm për të fituar ndonjë lekë nga pazari i mundshëm me konkurentin fitues, i cili shpesh dihet paraprakisht. Megjithëse shuma mund të duket e vogel, Bashkia Pustec ka regjistruar një rekord me 100% të vlerës, nuk ka lënë asnjë qindarkë të ikë ?dëm?. Shpesh citynews ka denoncuar rastet kur kemi të bëjmë me fitues me mbi 90% të vlerës, por ky rast vlen për t?u theksuar. Ofertuesi i suksesshëm, subjekti ?MB KURTI? është shpallur fitues me ofertën 25 milionë lek.

Bashkia e Pustecit drejtohet nga Edmond Themelko, përfaqësues i Partise AMIE (Aleanca Maqedonase per Integrim Europian), njëherë i zgjedhur kryetar komune nga PS-ja, njëherë më mbështetjen e PD-së dhe së fundi kryetar bashkie në zgjedhjet e vitit 2015 me mbështetjen e LSI-së.

Themelko pak kohë më parë u arrestua në Maqedoni pasi akuzohej se ishte përfshirë në një skemë manipulimi votash. Banorët e zonës së Pustecit kanë dyshtetësi dhe votojnë për të zgjedhur kryebashkiakun e tyre dhe deputetët në Shqipëri, por shkojnë votojnë edhe në zgjedhjet vendore dhe parlamentare në Maqedoni (FYROM)./citynews