Mafia në universitete/ Nga privatët tek publiku

19 Prill 2016, 15:39, Aktualitet CNA

Mbrëmjen e djeshme, gazetari investigativ Artan Hoxha tha në emisionin ?Opinion? se mafia është duke drejtuar procesin e zgjedhjeve në universitete. Për të njëjtën tezë, citynews ka shkruar para dhe pas miratimit të Ligjit për Arsimit të Lartë. Ky i fundit është cilësuar si Antikushtetues dhe sipas Senatit të Universitetit të Tiranës, Ligji shkel parimet e Kartës së Bolonjës.

Koha po tregon se institucionet e arsimit të lartë po trajtohen si ajo torta, pjesë nga e cila duan të marrin të gjithë. Këtu përfshihen universitetet private, të cilët sipas ligjit të ri do të përfitojnë fonde publike nga buxheti i shtetit.

Përveç universiteteve private, duket se të interesuar janë edhe eksponentë të botës së krimit. Akuzat se Emiljano Shullazi ka kërcënuar kandidatin për Rektor në Universitetin e Tiranës, ishin një këmbanë alarmi për atë që pritet të ndodhë pas zgjedhjeve në universitete. Por përse gjithë ky interes për përfshirjen e botës së krimit në botën

akademike?!

?Krimi shkon aty ku është paraja? u shpreh mbrëmjen e djeshme gazetari Artan Hoxha. Dhe në fakt kjo përgjigje shpjegon më së miri të gjithë këtë ?luftë? se kush do të marrë nën administrim universitetet publike.

Referuar nenit 11 të Ligjit për Arsimin e Lartë, përcaktohet se Agjencia Kombëtare e Financimit të Arsimit të Lartë (AKFAL) propozon kriteret për shpërndarjen e fondeve publike. (Ligji i plotë KËTU) Ky institucion do të jetë në varësi të ministrisë përgjegjëse për arsimin,pra në varësi të Ministrisë së Arsimit.

Një tjetër argument që shpjegon ?vërshimin? në universitete, është rindërtimi i Qytet Studentit. Projekti fitues i ?Konkursit Ndërkombëtar për Master Planin e Qytet Studentit? është shpallur në qershorin e vitit të kaluar. Referuar Ministrisë së Zhvillimit Urban, bëhet fjalë për ndërtimin e një rezidence të re për studentët dhe rehabilitimin e atyre ekzistuese. Pra bëhet fjalë për një investim të qeverisë shqiptare, ku pritet që qindra milionë lek, ndoshta edhe miliarda, të lëvrohen me qëllim realizimin e projektit fitues.

Koha, faktet dhe ngjarjet po tregojnë se krimi është duke shtrirë tentakulat edhe në atë fushë e cila konsiderohet si ajka e elitës dhe akademizmit në vend./citynews

Masterplani i Qytet Studenti, Projekti fitues