Korçë/ Zgjedhjet për Rektor kanë përfunduar

19 Prill 2016, 11:00, Aktualitet CNA

Zgjedhjet për Rektor në Universitetin e Korçës ?Fan Noli?, megjithëse zhvillohen ditën e nesërme si kudo në Shqipëri, duket se kanë përfunduar dhe me të gjitha gjasat Rektori do të jetë profesori Ali Jashari.

Kjo nuk është një intrigë apo thashethem nga citynews, por një fakt i logjikshëm që vjen pas leximit të gjithë faktorëve në universitet.

Ali Jashari ka përballë një tjetër profesor të nderuar, Lorenc Konomin, por rrymat e ndryshme dhe faktorët vendimtare në Universitetin Korcës duket të jenë të gjithë me Ali Jasharin.

Rektori në detyrë, Gjergji Mero është mbështetësi kryesor i kandidaturës së profesor Ali Jasharit. Mero duket se po kërkon të krijojë një lloj trashëgimie në këtë universitet, megjithëse ka profil të ndryshëm politik nga ai i Ali Jasharit. Rektori në detyrë është mbështetës i hapur dhe qartazi i pozicionuar. Ky fakt bën që shumë pedagogë të vjetër dhe të rinj, të influencojnë për zgjedhjen e Jasharit.

Edhe faktorët politik duket të jenë me Ali Jasharin. Drejtues lokal të Partisë Socialite mbështesin kandidaturën e Jasharit pasi ai njihet një si një njeri me bindje të majta politike, por edhe ish- zëvendës rektorja Eleina Qirici, deputete Partisë Demorkatike, pedagogu Gjergji Papa, të cilët janë njerëz të opozitës, janë mbështetës të kandidaturës së profesor Ali Jasharit.

Rivali i tij Lorenc Konomi, nuk ka mundur të sigurojë as mbështetjen e Niko Peleshit, i cili duket se në heshtje ka dhënë miratimin e zgjedhjes së Ali Jasharit në krye të universitetit. Të gjithë faktorët politik, majtas dhe djathtas duken se janë mbështetës të Ali Jasharit.

Studentët duket të jenë mbështetës në mazhorancë për Profesor Ali jasharin, jo vetëm për faktin se nga cili fakultet vjen, por edhe nga fakti që Lorenc Konomi jep një lëndë të vështirë që duket të jetë problematike për studentët.

Të gjitha faktet që përmendëm më lartë flasin për një zgjedhje të paravendosur në universitetin e Korçës, ku duket qartazi se pedagogët, studentët por edhe rrymat politike i janë bashkuar kandidaturës së Ali Jasharit. Rezultati mund të mos jetë si referendumi i fundit i Partisë Socialiste, por Korça sot ka zgjedhur rektorin e saj megjithëse zgjedhjet bëhen nesër./citynews