web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Alarmi, 10 makina të blinduara qarkullojnë në Shijak

19 Prill 2016, 10:42, Aktualitet CNA

Deklarata e njërit prej ish-drejtuesve të Policisë së Tiranës, Erzen Breçanit, se kriminelët lëvizin me automjete të blinduara sjell edhe një herë në vëmendje problematikën e mprehtë që hasin sot agjencitë ligjzbatuese në lidhje me këtë fenomen. Aq i përhapur është ky fenomen, saqë për agjentët e Antidrogës në Policinë e Shtetit është thuajse e pamundur të ?depërtojnë? mespërmes xhamit të blinduar të ?BMW?-ve, apo ?Benz?-ave të shefave të drogës që operojnë sot në Shqipëri.

Burime të mirëinformuara pranë Policisë së Shtetit thanë për ?Citynews? se kanë konstatuar 10 makina të blinduara që lëvizin në Shijak. Nuk ka ndonjë përcaktim konkret të vendndodhjes apo vendbanimit të poseduesve të këtyre mjeteve, porse dihet vetëm fakti që ata qarkullojnë lirshëm para syve të agjentëve dhe oficerëve të Antidrogës , të cilët ndërkaq ndodhen atje herë pas herë, për të hetuar grupet kriminale të trafikut të drogës që operojnë në rrethin e Durrësit, vendit ku kryqëzohen të gjitha rrugët e narkotikut. Breçani deklaroi mbrëmë në emisionin ?Opinion? se është vërejtur prezenca e mjeteve të blinduara në disa zona, duke e cilësuar si një fenomen tepër shqetësues.

Ndërkaq, përsa i përket Durrësit, situata atje duket se ka dalë jashtë kontrollit dhe këtë e thonë të gjithë, nisur nga kryeprokurori Adriatik Llalla, që pak muaj më parë u shpreh se kriminelët kanë njerëzit e tyre në shtet e deri te qytetari më i thjeshtë që e sheh përditë këtë realitet. Në trekëndëshin Durrës-Shijak-Krujë, së fundmi  kanë ndodhur krime të tmerrshme, ku ngjarja më makabër mbetet rrëmbimi, torturimi dhe vrasja e Gazmend Çollakut. Arrestimi i 3 vrasësve me pagesë në Shijak dhe hasmëria mes dy fiseve rivale atje janë vetëm disa prej elementëve që përbëjnë mozaikun e kësaj problematike, pa përmendur vrasjen e dyfishtë në fundvitin e kaluar në Durrës.  /Citynews





Lajmet e fundit nga