web counter
LEXO PA REKLAMA!

SHKARKO APP

App Store
Google Play

Basha: Qeveria vazhdon të marrë borxh dhe të vjedhë paratë e qytetarëve

6 Mars 2016, 10:24, Aktualitet CNA

Kreu i Partisë Demokratike, Lulzim Basha ka deklaruar se qeveria vazhdon të marrë borxh dhe të vjedhë paratë e qytetarëve. Kryetari i demokratëve ka zhvilluar një takim me banorë të fshatit Murqin, të cilët janë shprehur se përmbyten mesazarisht 5 herë në vit. Basha tha se edhe pse janë marrë  1.1 miliardë euro borxh nga qeveria, sot nuk ka asnjë investim publik.

“Ndonëse është 23 km larg nga Tirana, askush nuk i sheh dhe dëgjon problemet e banorëve të këtij fshati. Banorët thonë se fshati përmbytet 5 herë në vit. Asnjë fadromë nuk është parë në 3 vjet për të pastruar kanalet kulluese. Gjovalini, një prej banorëve të Muriqinit thotë se ka tetë pjesëtarë në familjen e tij dhe jeton me 150 mijë lekë të vjetra në muaj pension. Si Gjovalini janë me dhjetëra familje të këtij fshati. Prodhojmë misrin me 350 lekë dhe e shesim me 300 lekë, thonë banorët. Ndonëse kërkojnë edhe qindarkën e fundit të energjisë asnjë investim s?kanë bërë.” është shprehur Basha. 

Ndërsa një banor i fshatit tha “Për 2 km tel dritash i kemi mbledh vetë lekët se asnjë investim nuk ka bërë OSHEE dhe faturat vijnë deri 9 milionë lekë”.

“Investime në infrastrukturë, kanalet kulluese dhe mbështetje për bujqësinë ishin kërkesat e banorëve. Situata kudo po përkeqësohet me shpejtësi, ndërsa qeveria vazhdon të marrë borxh dhe të vjedh paratë e qytetarëve. 1.1 miliardë euro ka marrë borxh dhe sot nuk kanë asnjë investim publik. 1 miliardë euro janë vjedhur vetëm gjatë vitit kaluar e qytetarët vuajnë për bukën e gojës.” përfundon kreu i demokratëve në njoftimin për shtyp.





Lajmet e fundit nga