web counter
LEXO PA REKLAMA!

SHKARKO APP

App Store
Google Play

E fundit!

x

Raporti/ Ministria e Arsimit, institucioni më i bunkerizuar në Shqipëri, Nikolla dhunon të gjitha rregullat dhe parimet e informimit

6 Mars 2016, 07:42, Aktualitet CNA

Në raportin mujor të Albanian Platform for Policy Advocacy, një platformë që monitoron punën e qeverisë shqiptare, janë vënë re një sërë shkeljesh dhe mungesë e dukshme e elementëve të transparencës në sektorin e arsimit. Ndër të tjera theksohet se Ministria e Arsimit është institucioni më i mbyllur dhe hermetik sa i takon marrëdhënieve me publikun. Sipas ekspertit të monitorimit, Rigels Xhemollari, MAS ka shkelur ligjin për të drejtën e informimit duke mashtruar qytetarët, sepse në faqen e internetit nuk ekziston as programi i transparencës dhe as regjistri i përditësuar i kërkesave, përveçse si ikona apo tituj dhe në bazë të këtij ligji titullari i institucionit, në këtë rast znj. Nikolla, duhet të paguajë 100.000 lekë të reja gjobë për shkelje ligjore.

Së dyti, ky institucion ka 20 numra telefoni të shpallur në faqen zyrtare dhe në asnjërin prej tyre nuk ka sinjal. Kjo tregon mungesë përgjegjshmërie dhe transparence. Një institucion që duhet të ishte model transparence për institucionet e varësisë, që janë universitetet dhe drejtoritë arsimore, është shndërruar në institucionin më pak transparent në vend. Ministrisë nuk i punon asnjë numër telefoni që janë publik në faqen zyrtare në internet të Ministrisë së Arsimit dhe të Sportit.

Sipas të përditshmes Sot, në raportin në fjalë janë të detajuara të gjithë deklaratat dhe nismat e Ministrisë së Arsimit për të cilat ka mungesë të plotë informacioni.





Lajmet e fundit nga