web counter
LEXO PA REKLAMA!

SHKARKO APP

App Store
Google Play

Kuvend/ Tahiri: Mbani qëndrim për arrestimin e Kserës. Paloka: Trego lidhjen me bandat

4 Shkurt 2016, 11:16, Aktualitet CNA

Ka nisur me debate të forta seanaca e sotme parlamentare lidhur me Byronë Kombëtare të Hetimit. Fillimisht ishte nënkryetari i grupit të PD-së, Edi Paloka, i cili kërkoi që ky projektligj të kalojë në parlament, pasi ka arritur dakortësinë e palëve. I menjëhershëm ka qenë reagimi i ministrit të Brednshëm, Saimir Tahiri, i cili ka thënë se opozita duhet të mbajë një qëndrim për luftën kundër korrupsionit si dhe për arrestimin e ish ministrit, Spiro Ksera.

?. Pas kujdesit tuaj të madh si opozitë për respektimin e statusit të PS, tani vini këtu që të kujdeseni për programin e PS. JU faleminderit që kujdeseni për Statusin tonë, që kur ishim në opozitë, e tani. Ju faleminderit, por qytetarët kanë mendje dhe sy. Por lufta kundër korrupsionit është jo me fjalë, por me vepra. Cili është qëndrimi juaj zyrtar për ish-ministrin e Arrestuar. Doni Byronë kombëtare te Hetimit? Dilni se kush është qëndrimi juaj për kryetarin e Kamzës, apo drejtorin e Hipotekës në Sarandë që ju i shkoni në qeli?, u shpreh Tahiri

Në vijim të debatit, kreu i grupit të PD-së i ka kërkuar ministrit Tahiri të flasë për problemet e Shqipërisë. Ai tha se bandat po bëjnë qejf sepse janë të lidhura me zyrtarët.

? Dil këtu dhe fol për problemet e vendit. Fol për lidhjet e tua me bandat. Përgjigju kryeprokurorit për bandat në Durrës, ku tha se ato janë të lidhura me zyrtarët. Për këto dil e fol këtu?, tha Paloka





Lajmet e fundit nga