E fundit!

11:34 Politikë

Përplasje për reformën zgjedhore, PS i çon Kuvendit propozimin për shtyrjen e afatit

Procesi i reformës zgjedhore do të vijojë edhe në muajt e ...

Aleatët e PS në harresë/ Rama nuk respekton marrëveshjet e koalicionit

4 Shkurt 2016, 08:15, Aktualitet CNA

Kryeministri Edi Rama nuk po zbaton marrëveshjen e vitit 2013 dhe atë të 2015-ës për partitë e vogla të koalicionit. Prej kohësh, kreu i qeverisë nuk i ka thirrur në asnjë mbledhje këto parti që i dhanë atij mbi 100 mijë vota. Në një prononcim për gazetën ?Sot?, aleatët e majtë shprehen të zhgënjyer nga mënyra se si janë trajtuar nga Rama.

Përfaqësuesi i partive aleate, Idajet Beqiri, ka theksuar dje se PS nuk ka zbatuar dy marrëveshje të nënshkruara me partitë aleate: marrëveshjen e zgjedhjeve të 2013 dhe të zgjedhjeve vendore të 2015. ?Nuk është zhvilluar asnjë takim me kryeministrin Rama. Tashmë, pakënaqësia e aleatëve ka arritur kulmin dhe as që u shkon më në mend të kërkojnë thirrjen e tryezës së koalicionit. Rama konsiderohet nga aleatët e tij si besëprerë. Ne mbetëm në dorë të kryeministrit Edi Rama. Deri më tani nuk ka as edhe një lloj sinjali nga kryeministri, për të na ulur në tavolinë dhe të diskutojmë për atë çka na takon. PS nga PUK ka marrë mbi 11 mijë vota. Ne kemi këshilltarët tanë të cilët mund t?i përdorim. Bashkëpunimi me PS në 2017 do jetë i diskutueshëm, nuk është taksativ, pasi ne do të shohim edhe interesat tona?, u shpreh Beqiri. Partitë aleate kanë kërcënuar se nuk do të jenë më pjesë e koalicionit me PS.

Aleatët e tjerë të koalicionit u shprehën se nuk do t?i luten më Ramës për poste. Kreu i Partisë Aleanca Demokristiane, Zef Bushati, është shprehur se gjithçka është në dorë të Ramës, por ai së bashku edhe me përfaqësues të partisë që drejton nuk do i luten më për poste. ?Nuk kemi pasur asnjë kontakt deri më tani. Jemi mërzitur me negociata pa fund pa asnjë konkluzion. Nuk i lutemi më kryeministrit që të në japë vende pune. Rezultati i marrë në zgjedhje asnjëherë nuk është respektuar?, është shprehur ai.

Kreu i Partisë Komuniste 18 Nëntori, Preng Çuni, është shprehur qartë se nëse sërish nuk zbatohet marrëveshja do largohen nga koalicioni. ?Jo, deri më tani kryeministri nuk na ka thirrur dhe nuk besoj se do të na thërrasë. Nuk ka asnjë lëvizje. As nuk duam më të na thërrasë! Rama i kushtoi vëmendje të mëdhenjve dhe neve na la pas dore! Por tani na harroi fare! Por, ne e kemi thënë se, nëse edhe këtë herë kryeministri nuk zbaton marrëveshjen e 2013, ne nuk do të jemi në koalicion në 2017. Sigurisht që, ajo çka na takon, varet në bazë të votave që kemi marrë në 21 qershor?, tha ai. Edhe pse kryeministri Edi Rama përmes Taulant Ballës, i ngarkuari për të negociuar me aleatët, premtoi se do të zbatojë marrëveshjen, krerët e partive të vogla nuk shpresojnë se do të ketë një zbatim të saj.