web counter
LEXO PA REKLAMA!

SHKARKO APP

App Store
Google Play

Ja renditja e universiteteve/ UET i Çilit dhe Luarasi i Irfanit nga fundi i listës

3 Shkurt 2016, 19:10, Aktualitet CNA

Në renditjen e fundit të Webometrics për periudhën korrik 2015-20 janar 2016, klasifikimit më të madh online të institucioneve të arsimit të lartë, Universiteti Europian i Tiranës së Henri Çilit dhe Luarasi i Irfan Hysenbelliut paraqiten nga fundi i listës. Siç duket më poshtë, UET dhe Luarasi nuk bëjnë pjesë as në dhjetshen e universiteteve më të mira shqipare. Kështu, Universiteti i Çilit renditet në vendin e 16-të, ndërsa Luarasi i Hysenbelliut klasifikohet i 20-ti. Ndërsa përsa i përket renditjes botërore, UET rezulton të jetë i 15299-ti, ndërsa Luarasi klasifikohet i 16634-ti.

Që nga viti 2004, çdo 6 muaj Cybometrics Labs (Këshilli Kombëtar Spanjoll për kërkimin shkencor) zhvillon një kërkim shkencor të pavarur për të mundësuar informacionin e nevojshëm shumëdimensional rreth performancës së universiteteve nga e gjithë bota bazuar nga prezenca dhe impakti i tyre në web.

Sipas faqes webometrics.info, renditja e universiteteve në Shqipëri kryesohet nga Universiteti i Tiranës (gjithashtu i 5790-ti në renditjes botërore), i ndjekur nga Universiteti Epoka (i renditur 6440-ti në renditjen botërore) dhe në vendin e tretë renditet Universiteti Politeknik i Tiranës (i renditur i 7212-ti në renditjen botëreore).

Çili dhe Hysenbelliu nuk kanë arritur t?i rendisin universitetet e tyre në dhjetshen më të mirë, duke përfunduar nga fundi i listës./citynews





Lajmet e fundit nga