web counter
LEXO PA REKLAMA!

SHKARKO APP

App Store
Google Play

Provokimi i Bashës me Topin

3 Shkurt 2016, 14:49, Aktualitet CNA

Partia Demokratike i ka bërë thirrje partisë së drejtuar nga Bamir Topi për tu bashkuar nëkoalicion nëse do të bahkëpunojë për rrëzimin e qeverisë. . Nëpërmjet nënkryetarit, Edi Paloka, PD theksoi se: ?Jemi të hapur për koalicion me çdo parti, por jo me LSI-në. LSI, pjesë e së keqes së kësaj qeverie bashkë me PS-në. Jemi të hapur për koalicion me FRD-në nëse bashkëpunon për rrëzimin e qeverisë. Jemi të hapur për aleancë dhe koalicion me të gjithë ata që duan rrëzimin e qeverisë?

Por kreu i FRD, Topi, u shpreh dje nga Kosova se ish-kryeministri Sali Berisha, duhet të arrestohet. Ai deklaroi se edhe prokurori më i rëndomtë do ta dërgonte Sali Berishën përpara drejtësisë. Me këtë deklaratë, Topi i ka mbyllur derën Lulzim Bashës për një koalicion të mundshëm.

Në fakt, ftesa e Bashës është një  provokim për tu ndarë përfundimisht nga Bamir Topi. Në zgjedhjet e fundit lokale, FRD ka qenë aleate me qeverinë. Kjo tregon se ftesa e Bashës për Topin është një spektakël i opozitës për të vënë në dukje që FRD nuk është një parti opozitare, e cila kërkon rrëzimin e qeverisë, por një aleate e saj.

Me këtë lëvizje politike, Basha forcon pozitat e tij duke e nxjerrë ish presidentin Bamir Topi si një pazarxhi të qeverisë. Këtë lëvizje, Basha e bën një vit përpara zgjedhjeve vendore për të mos pasur efekte negative përpara zgjedhjeve. Basha kërkon të rimarrë ato demokratë që janë larguar nga PD kur Bamir Topi krijoi partinë e re./citynews





Lajmet e fundit nga