web counter
LEXO PA REKLAMA!

SHKARKO APP

App Store
Google Play

Apeli për fëmijën 8-muajsh/ Kostandinit ende nuk i është siguruar kurimi

3 Shkurt 2016, 10:52, Aktualitet CNA

Kostandini 8-muajsh vuan nga një sëmundje e rëndë. Ilaçet e tij kushtojnë shumë shtrenjtë dhe operacioni kushton rreth 80 mijë euro, i cili duhet të kryhet në fund të shkurtit. Familja ka bërë apel për ndihmë pasi nuk ka mundësi financiare. Një apel që na fakt kërkon më shumë vëmendje edhe nga institucionet shtetërore, konkretisht Bashkia Korçë dhe Ministria e Shëndetësisë,  të cilat po heshtin përpara këtij rasti vërtet të dhimbshëm.

Ky veprim le të jetë një apel i përsëritur për qytetarët e Korcës, opinionin publik dhe biznesmenët e qytetit apo të tjerë që të ndihmojnë këtë fëmijë 8 muajsh për t?u rritur edhe ai si shokët dhje bashkëmoshatarët e tij.

Citynews e ka publikuar këtë rast në datën 25 janar, por reagimi i qytetarëve ka qenë i vakët.

Ne kontaktuam me prindërit e Kostandinit, të cilët na thanë se ende nuk janë mbledhur paratë e nevojshme për të kryer  operacionin. Deri më tani qytetarë të ndryshëm kanë dhuruar 2900 euro dhe 3 milionë lekë në bankat në Korçë. Ai shprehet se ndihma kanë ardhur edhe nga jashtë vendit, ku nga  Amerika janë derdhur 3700 dollarë, ndërsa nga Gjermani janë dhuruar 1000 euro. Ndërkaq babai i Kostandinit konfirmon se një ndihmë të konsiderueshme prej 2 mijë euro ka dhënë futbollisti, Tefik Osmani. Gjithashtu, 500 mijë lekët të vjetra ka dhënë ekipi i Vllaznisë.

Ndihma për Kostandinin është modeste, edhe pse donatorët duhen falenderuar. Kjo sepse operacioni i tij duhet të kryhet deri në fund të shkurtit dhe kushton të paktën 80 mijë euro. Më poshtë janë numrat e llogarisë ku donatorë të ndryshëm mund të ndihmojnë Kostandinin e vogël.

Numrat e llogarise: Nr. Llogarie CREDINS BANK ne lek 761671/Ne euro 761673. BLENDI ZACE. Nr telefonit te babait te Kostandinit 0698427612

 





Lajmet e fundit nga