web counter
LEXO PA REKLAMA!

SHKARKO APP

App Store
Google Play

E fundit!

x

PS i mbyll dyert Blushit dhe Ndocajt/ Statuti i ri do të rikonfirmojë Ramën kryetar të PS-së

3 Shkurt 2016, 18:26, Aktualitet CNA

Statuti i ri i Partisë Socialiste do të rikonfirmojë Edi Ramën kryetar të saj, duke i mbyllur në këtë mënyrë dyert kandidatëve të vetëshpallur, Ben Blushi dhe Eduart Ndocaj. Sipas burimeve të Ora News,në statutin e ri pritet të përcaktohet  që në rast se kryetari i PS fiton zgjedhjet dhe shpallet Kryeministër dhe mandati i tij përfundon dy vjet nga zgjedhja në krye të qeverisë, kryetari do të rikonfirmohet pa votim, në Kongresin e PS.

Në rast se kryetarti i PS, humbet zgjedhjet, do të respektohet rregulli i zgjedhjes së tij, përmes parimit, një anëtar një votë.  Ndërkohë statuti parashikon ngritjen e Asamblesë së Bashkisë, dhe zgjedhjen e kryetarit të Asamblesë Do të jenë 61 kryetar Asambleje, për 61 bashki të vendit.

Ndryshimet në Statut, do të votohen në Kongresin e muajit mars, që ka thirrur Partia Socialiste. Në Kongres, delegatët do të zgjedhin Asamblenë e re të partisë, dhe do të jetë pikërisht kjo Asamble që do të zgjedhë kryesinë dhe sekretariatin e ri të socialistëve.





Lajmet e fundit nga