Spartak Ngjela: Shqiptarë, bashkohuni kundër hajdutëve, Amerikën e keni mbështetje!

2 Shkurt 2016, 11:19, Aktualitet CNA

Avokati Spartak Ngjela i ka bërë thirrje shqiptarëve të bashkohen kundër hajdutëve që sipas tij e kanë fundosur vendin tonë. Përmes një postimi në rrjetin social Facebook, Ngjela shkruan se e vetmja zgjidhje sot është bashkimi i të gjithë shqiptarëve në një kërkesë për Moralitet, ndërsa shton se Amerikën e kanë në vete.

Postimi në rrjetin social nga avokati dhe Kreu i Partisë Ligj dhe Drejtësi, Spartak Ngjela

Çfarë duhet bërë?
Varfëria vjen atëherë kur një shoqëri apo një popull që jeton në një shtet, nuk ka aftësi të veprojë. Edhe pune, akt është, veprim, progresi dhe zhvillimi, të tllë janë. Edhe bashkimi për të vepruar, akt eshte – pjesa tjetër është paralizë. Në jemi të paralizuar: kjo është sëmundja shqiptare sot. Shqiptarët janë bllokuar nga vjedhja që u kanë bëre ata që vetë kanë zgjedhur. Të gjithë e dinë këtë, dhe e pranojnë përgjysmë. Janë tifozë pasionante, fisnore dhe lokale, dhe nuk iu duket dëm material dhe moral, nuk e shohin vjedhjen dhe abuzimin e shtetit sikur të jetë kundër tyre, por kundër atyre që janë në krahun tjetër të politikës. Dhe kanë edhe iluzione, edhe mllefe abstrakte kundër të kundërtëve të tyre, dhe presin të rrëzojnë kundërshtarin më vjedhësit që i drejtojnë. Kurse, kundërshtari që është në pushtet, e ka më të lehtë. Përkrahësit që i japin votën, e pranojnë në heshtje si hajdut, se nuk dinë të veprojnë në favor të së ardhmes së tyre. Dhe presin. Të dy krahët presin nga hajdutet, kurse hajdutët krijojnë sharje histerike ndaj njeri-tjetrit, dhe shumojnë paratë. …por ne nje shoqëri të varfër, e cila nuk ka më së çfarë t’u japë. Prandaj nuk do të ecë dot shteti….dhe do t’i zërë brenda vetë vjedhesit Ose…pastaj? E vetmja rrugë është bashkimi i të gjithë shqiptarëve në një kërkesë për Moralitet. Amerikën e kanë në vete. Pse rrinë pasive shqiptarët e vjedhur në 20 vjet rresht nga ata që vetë kanë zgjedhur nëpër procese zgjedhorë; të cilët, edhe ata jenë të dyshimtë? Bashkohuni me perëndimorët kundër korrupsionit të lartë shqiptar!
Kjo është e vetmja zgjidhje sot. Pasionet e ngjyrës politike janë tendenca fëminore që i shfrytëzojnë më së miri vjedhësit tanë.