web counter
LEXO PA REKLAMA!

SHKARKO APP

App Store
Google Play

Nga Arben Duka/ Pavarësisht të gjithave – Rama duhet të konkurojë…

2 Shkurt 2016, 11:04, Aktualitet CNA

Jam kundra tezës së Ballës,
që në treg tani është hedhur,
meqë janë fituar zgjedhjet,
Rama quhet i rizgjedhur!

Unë që jam një veteran,
i them Ballës:?Mos u ngut!?,
se ky lloj improvizimi,
nuk është shkruar në Statut!

Nuk mund të dalë jashtë kontekstit,
ky debat ? kjo analizë,
se Statuti është në fakt,
Kushtetuta e Partisë.

Statuti detyron zgjedhjet,
nuk flet për rikonfirmim,
neni është fare i qartë,
s?mund t?i bësh interpretim!

Sepse po të qe ashtu,
s?ke pse bën zgjedhje të reja,
rikonfirmohen njëlloj,
kryesia-asambleja!

Dhe fiks me këtë logjikë,
mbyllet gjithë historia,
se zgjedhjet-sipas sistemit,
i fiton vetëm partia.

Dhe kështu me abstraksion,
fare pa Statut në mes,
të gjithë quhen të rizgjedhur,
dhe s?ka nevojë për Kongres!

Po në fakt është fare ndryshe,
ndryshe Statuti është bërë,
se në Kongresin e Marsit,
do të rizgjidhen të tërë.

Do rivotohen të tërë,
nga i fundit tek i pari,
me votë duhet të rizgjidhet,
domosdo dhe kryetari!

Është gafë politike,
o Taulant kapedani,
kur thua-se kryetarin,
ta votoi dy herë Sovrani!

Kjo është tezë populiste,
unë e quaj herezi,
se partia nuk është popull,
dhe populli s?është parti!

Nuk injorohet Statuti,
s?ka nevojë për këtë pykë,
duket sikur Edi Rama,
konkurimin e ka frikë!

Po Rama nuk ka pse trëmbet,
more shoku Taulant,
me një kundërshtar si Ndocaj,
fitoren e ka garant.

Do jetë një formalitet,
edhe bufi e kupton,
veç Ndocajt-me këtë klimë,
askush tjetër s?konkurron!

Pa një kundërshtar serioz,
konkurim nuk mund të ketë,
ndaj votimi ? në u bëftë,
do jetë një banalitet!

Në Mars ? do të sjellë pranvera,
po të njëjtën dallandyshe,
se socialistja shqiptare,
s?e pranon mendimin ndryshe!

Tani kemi vetëm Blushin,
që don të rikthejë partinë,
po ka mbetur krejt i vetëm,
s?ka krijuar ende frymë!

Mbase dhe Blushi është bindur,
që PS s?ndryshon nga brënda,
aq më shumë kur je i vetëm,
dhe s?hyn në peshat e rënda!





Lajmet e fundit nga