web counter
LEXO PA REKLAMA!

SHKARKO APP

App Store
Google Play

E fundit!

x

Tenderat e sigurisë fizike, më të manipuluarit

2 Shkurt 2016, 09:55, Aktualitet CNA

Gjatë vitit të shkuar pranë Komisionit të Prokurimeve Publike ka pasur një numër të lartë ankesash për tendera nga operatorë të ndryshëm ekonomikë, nga ku dominojnë kompanitë e ruajtjes së sigurisë fizike.

Në totalin e 1126 ankimimeve tashmë të përfunduara, ankesat kanë qenë kryesisht në fushën e sigurisë fizike, të cilat përbëjnë më shumë se gjysmën e ankesave në total, sipas muajve. Ndërsa fusha e dytë që ka adresuar ankesa pranë KPP ka qenë nga operatorë mirëmbajtje të segmenteve rrugore apo shërbime mbikëqyrje për punime rrugore.

Sipas letrës së ankimimit, operatorët e fushës së ofrimit të sigurisë fizike kundërshtojnë skualifikimin e ofertës së tyre në tendera të ndryshëm ku kanë aplikuar apo edhe kundërshtojnë për padrejtësi fituesit e tenderave të shpallur.

Ndërsa për mirëmbajtjen e rrugëve, ankesa drejtohet për plotësimin e kritereve ekonomike, teknike dhe profesionale në rastin e ofrimit të ofertës për tender.
Ndërkohë si vijim i tendencës së ankimimeve të vitit të shkuar, duket se edhe në fillim të 2016 pranë portalit të KPP janë depozituar sërish ankesa nga operatorë ekonomike të fushës së ruajtjes së sigurisë. Nga 114, 20 janë nga kompani sigurie, ndërsa pjesa tjetër janë nga operatorë mirëmbajtje të segmenteve rrugore apo shërbime mbikëqyrje për punime rrugore./Monitor





Lajmet e fundit nga