E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Goditet rrjeti ballkanik i kontrabandës së cigareve/ 29 të arrestuar, një shqiptar në kërkim

1 Shkurt 2016, 21:55, Aktualitet CNA

Të arrestuarit janë kryesisht grekë, bullgarë dhe nga vendet e ish-Bashkimit Sovjetik. Burime policore i thanë Top Channel se, mes personave të shpallur në kërkim janë disa grekë, rusë, ukrainas, një maqedonas dhe një shqiptar.

kontrabanda cigare 1 Deri tani janë sekuestruar, në magazina ose të ngarkuara nëpër kamionë dhe furgonë, më tepër se 8000 koli cigaresh, teksa vlera e taksave doganore të papaguara dhe të përfituara prej organizatës i kalon 19 milionë eurot.

Në cilësinë e provës materiale janë sekuestruar 55.000 euro ?cash?, 6 furgonë, 10 autovetura, një kamion, kompjutera, lista me sasitë e mallrave të magazinuara; një regjistër shitjesh ku pasqyrohen emrat e koduar të blerësve, vendet ku trafikoheshin cigaret kontrabandë, si dhe shumat përkatëse për çdo lëvizje malli; por edhe dy magazina që shërbenin për përpunimin e ngarkesave kontrabandë.

Agjentët e policisë thonë se, kanë dyshime që organizata ka trafikuar më shumë se 110.000 koli cigaresh vetëm gjatë një viti, kurse shumat e përfituara prej trafikantëve vlerësohen si astronomike.

Sipas autoriteteve greke, sasia e cigareve kontrabandë ngarkohej në anije ruse ose ukrainase në Emiratet Arabe, Qipro dhe Turqi, e në vazhdim nëpërmjet Portit të Pireut hynin në Greqi. Fillimisht ato shkarkoheshin në Portin e Pireut, ndërsa më pas përpunoheshin në vendin e quajtur Aspropirgo në Athinë. Me kamionë, ato dërgoheshin në Selanik, teksa shumica e tyre kishte si destinacion Bullgarinë. kontrabande

Në magazinën e Athinës, agjentët gjetën edhe të dhëna se, një pjesë e konsiderueshme cigaresh kontrabandë dërgohej me kamionë në Maqedoni, por edhe në Shqipëri. Burime policore i thanë Top Channel se, në Shqipëri, ngarkesa dërgohej e fshehur në shasitë e kamionëve dhe të autobusëve të linjave që lidhin vendin tonë me Greqinë.

Sipas burimeve, trafikantët shfrytëzojnë shkallën e lartë të korrupsionit në doganat shqiptare dhe mungesën e kontrolleve të imëta të policisë gjatë hyrjes për në Shqipëri. Autoritetet greke dyshojnë se, sasi të mëdha mallrash kontrabandë hyjnë të fshehura në shasitë e mjeteve të rënda në vendin tonë.

/ Top Channel