web counter
LEXO PA REKLAMA!

SHKARKO APP

Blushi i përgjigjet Ramës: Nuk largohem nga PS!

2 Shkurt 2016, 09:27, Aktualitet CNA

Deputeti socialist, njëherësh kandidati për Kreun e PS-së, Ben Blushi në një përgjigje ndaj deklaratës së Kryeministrit Edi Rama lidhur me zgjedhjet në Partinë Socialiste, është shprehur se nuk do të largohet nga kjo forcë politike. Në një prononcim për Report TV, Blushi tha se në Kongresin e PS-së, që do të mbahet në 19 Mars, do të garojë për Kryetar, ashtu siç e përcakton statuti i partisë.

“Nga PS nuk largohem, PS po tenton të largohet nga unë. Do të vazhdoj që të jem deputet i PS deri në fund të mandatit” është shprehur Blushi për Report TV. Deklarata e sotme e Blushit, vjen pas intervistës mbrëmjen së djeshme të shefit të qeverisë Rama me gazetarin Ilir Babaramo, ku u shpreh se nuk do të ketë zgjedhje në PS, ndërsa shtoi se do të rikonfirmohej si Kryetar i socialistëve.





Lajmet e fundit nga