E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Projekti i kamerave të policisë/ Propagandë mashtruese e qeverisë së lidhur me krimin

2 Shkurt 2016, 10:59, Aktualitet CNA

Kryetari i Partisë Demokratike, Lulzim Basha ka reaguar pas prezantimit të Kryeministrit Edi Rama dhe Ministrit të Brendshëm Saimir Tahiri të kamerave të sigurisë për punonjësit e policisë. Përmes një deklarate të shpërndarë për mediat, Basha e konsideron propagandë mashtruese këtë projekt, ndërsa shton se kamerat s?do të punojnë, ose do të jenë me defekt teknik, kur vjen puna për të pasqyruar lidhjet e tmerrshme që shefi i qeverisë, Rama ka me krimin.

Deklarata e Kryetarit të PD-së, Lulzim Basha

Propagandë mashtruese dhe asgjë më shumë projekti i kamerave të trupit, apo kamerave të tjera që ka ndërmend të instalojë kjo klike e lidhur me bandat.
Çdo teknologji që shton sigurinë e lufton krimin është e mirëpritur, por e gjitha mund të shkojë në të kundërtën, kur bie në duart e gabuara.
Kush do ti shohë kamerat kur Ministri i Brendshëm takohet dhe ndërmjetëson me vrasësin me pagesë në zyrën e tij dhe në vilat qeveritare ne plazh?
Çfarë do të bëjë Saimir Tahiri me këto pamje, që ai vetë i regjistron?
Kush do ti shohë e kontrollojë kamerat kur Saimir Tahiri, apo dhe shefi i tij, takohen e rakordohen me makinë me bandat dhe banditet?
A do të funksionojnë kamerat kur Emiliano Shullazi të futet në doganë me makinë të blinduar, pa lënë gjurmë e nishan?
A do të ketë kamera kur ngrihet trau i doganës për miqtë e Edi Ramës, që kalojnë naftë e cigare kontrabandë?
Sigurisht, ky nuk ka këtë plan. Kamerat e tij, thjesht s?do të punojnë, ose do të jenë me defekt teknik, kur vjen puna për të pasqyruar lidhjet e tmerrshme që ai ka me krimin.