web counter
LEXO PA REKLAMA!

SHKARKO APP

App Store
Google Play

E fundit!

x

Qeveria nxjerr në shitje INSIG për 15 milionë euro

26 Janar 2016, 09:11, Ekonomi CNA

Qeveria shqiptare do të privatizojë kompaninë e sigurimeve INSIG, e cila  është kompania e vetme publike në sektorin e sigurimeve. Ministria e Financave ka publikuar në faqen zyrtare të Agjencisë së Prokurimeve shpalljen për shitjen me tender të aksioneve të INSIG duke bërë shpjegimet përkatëse në lidhje me këtë çështje.

Tenderi do të zhvillohet në datën 10 mars të këtij viti, ku shoqëritë e interesuara për blerjen e INSIG duhet të paraqesin ofertën në Ministrinë e Financave. Forma e privatizimit do të jetë 100%. Më herët qeveria ka përcaktuar edhe kriteret e vlerësimit të ofertave përmes një vendimi të posaçëm. Sipas formulës, peshën më të madhe të pikëve, prej 80 për qind, do ta ketë çmimi i ofruar, ndërsa plani i biznesit dhe cilësia e blerësit do të kenë respektivisht nga 10 pikë. Paralelisht, çdo ofertues duhet të garantojë ofertën e tij me një depozitë fikse prej 30 milionë lekësh.

Sipas Ministrisë së Financave, vlera totale e shoqërisë INSIG është 15.3 milionë euro. Krahasuar me vitin 2009 kur kompania u nxor në shitje vlera e saj është ulur me gati 3 herë si pasojë e keq menaxhimit. Gjatë këtyre viteve kompania ka humbur vazhdimisht treg. Sipas të dhënave zyrtare nga Autoriteti i Mbikqyrjes Financiare për periudhën janar- nëntor të vitit të kaluar kompania arkëtoi 667 milionë lekë nga primet duke zënë kështu 5.7 për qind të tregut të sigurimeve në vend nga 6.3 që zinte një vit më parë.





Lajmet e fundit nga