Financat shpallin dhënien TVSH –së me koncension partneritet publik - privat

20 Janar 2016, 10:51, Ekonomi CNA

Qëllimi i është gjurmimi i zinxhirit të TVSH dhe përmirësimi i grumbullimit. Zyrtarët e Ministrisë së Financave pohuan se ky vendim u mor pas aksionit antiinformalitet ku u panë probleme me indetifikimin e transaksioneve, falsifikim kuponash dhe mosgjurmim i mallrave në dogana, prandaj lindi edhe ideja për koncesionin e TVSH-së.

Por dhënia e TVSH me koncesion është një projekt i vjetër i qeverisë shqiptare. Më herët, Ministria e Financave kishte pranuar zyrarisht se po punon me një propozim të pakërkuar (koncesion) për lotarinë tatimore. (http://www.monitor.al/financat-plan-per-te-dhene-lotarine-tatimore-me-koncesion-letra-e-operatoreve-nuk-jemi-pyetur/.

Në memon, që vlerëson ecurinë të vlerësuar propozimin e pakërkuar për ?Sistemin e zgjerimit të mbledhjes së tatimit mbi vlerën e shtuar? drejtuar Ministrit të Financave, Shkëlqim Cani, sqarohet që në fillim që ka një paqartësi për ngritjen e komisionit për vlerësim, nëse duhet të ngrihet apo jo edhe për ato të pakërkuara, kush janë funksionet e komisionit, si do të jetë përbërja e tij, a bën ky komision edhe studimit, që duhet kryer për 90 ditë.( http://www.monitor.al/tvsh-me-koncesion-ja-shkresa-me-argumentet-kunder-te-ardhurat-20-30-milione-euro-ne-vit/).

Beqiraj tha se koncesioni lufton evazionin dhe nuk lejon manipulim të dhënash. Ajo shpjegoi se sistemi i ri do të instalojë faturën elektronike dhe raportimin në kohë të çdo transaksioni të mallrave dhe shërbimeve . Gjithashtu koncesioni do të konfigurojë elektronikisht shorteun e kuponit tatimor.

Sistemi i ri nuk do të lejojë furnizimin pa faturë edhe në tregun e karburanteve sepse nuk i pranon transaksionet me gabim. Me këtë rast do të krijohet harta e dixhitale e regjistrave fiskale dhe sistemi do të përmirësojë analizën e riskut. Investimi i koncesionarit do të jetë 9.5 mln euro.

Koncesionari pritet të shpërblehet me një 11 për qind të rritjes vjetore të TVSH dhe ky koncesion nuk ka tarifa mbi publikun si të tjerët, pohuan zyrtarët e Financave.

Vlerësohet që koncesionari mund të marrë deri në 2-3% të të ardhurave, nga shërbimi i mbledhjes së TVSH-së me koncesion, që nënkupton se të ardhurat e tij vjetore janë minimumi 3-4 miliardë lekë, apo 20-30 milionë euro. TVSH sjell minimum 1 miliard euro të ardhura në buxhet në vit?/Monitor.al