E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Nafta zbret në nivelin më të ulët të 12 viteve/ Ja cfarë e pengon uljen e çmimit në Shqipëri

14 Janar 2016, 12:44, Ekonomi CNA

Në Shqipëri tregtohet në nivelet e 155-163 lekë dhe nuk është shumë larg çmimit prej gati 190 lekë, që arriti dy vjet më parë, kur në bursat ndërkombëtare ari i zi i kaloi 120 dollarët për fuçi?
Nafta referencë globale LCOc1 zbriti për pak kohë në nivelin më të ulët të 12 viteve në 29.73 dollarë të enjten paradite dhe më pas e rimori veten, por ishte sërish me zbritje 0.3 përqind, në 30.22 dollarë në bursat ndërkombëtare.

Çmimet e naftës bruto amerikane CLc1 u rritën me rreth 1% në 30.77 dollarë për fuçi, por nuk janë shumë larg nivelit të së martës prej 29.93 dollarë, që nuk ishte parë që nga dhjetori 2003.

?Ndoshta niveli prej 30 dollarësh, apo pak më poshtë, po shërben si një lloj dyshemeje, ndërkohë që ka pak lajme pozitive,? tha Ben le Brun, analist tregjesh në OptionsXpress në Sydney.

?Pjesa më e madhe e lajmeve janë negative rreth naftës,? tha ai.

Edhe metalet shënuan rënie. Bakri në Londër ra në nivelin më të ulët që nga maji 2009, si rrjedhojë e shqetësmeve rreth efekteve të paralajmërimeve për rritjen e dobët kineze në kërkesën për mallra. Bakri CMCU3 qënrdoi në 4,392.50 dollarë për ton, pasi kishte rënë më parë deri në 4,330 dollarë.

Rënia e lehtë e çmimeve në Shqipëri
Në tregun shqiptar, çmimi i naftës ka rënë me ritme shumë më të ulëta se atë ndërkombëtar. Operatorët e mëdhenj e ulën çmimin javën e kaluar me 5-6 lekë për litër, duke e zbritur një litër naftë në rreth 163 lekë, ndërsa tregtuesit e tjerë e kishin zbritur më parë, në rreth 155-158 lekë. Në këto nivele, nafta në Shqipëri nuk është shumë larg çmimit prej gati 190 lekë, që arriti dy vjet më parë, kur në bursat ndërkombëtare ari i zi i kaloi 120 dollarët për fuci.
Operatorët pohojnë se është barra e lartë e taksave, që zë rreth 67% të kostos, dhe që është rritur vazhdimisht vitet e fundit, ajo që ndikon në uljen e çimeve me ritme më të ulëta se në bursat ndërkombëtare./monitor.al