E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

Nafta në nivelin më të ulët në 11 vjet

6 Janar 2016, 18:44, Ekonomi CNA

Çmimet e naftës kanë arritur nivelin e tyre më të ulët në 11 vjet të mërkurën, pasi konflikti mes Arabisë Saudite dhe Iranit mendohet se po e bën edhe më të pamundur arritjen e bashkëpunimit ndërmjet eksportuesve kryesore për të reduktuar prodhimin.

Dëshmia e ngadalësimit të rritjes ekonomike në Kinë dhe Indi ka ushqyer frikën se edhe kërkesa e fortë në vende të tjera mund të mos jetë e mjaftueshme ti japë fund mbi-ofertës së naftës së papërpunuar që ka rezultuar nga një prodhim pranë niveleve rekord gjatë vitit të kaluar.

Zemrërimi për ekzekutimin e Arabisë Saudite të një kleriku shiit ka ulur në gati 8 për qind çmimin e naftës vetëm në tre ditët e fundit të tregtimit dhe ka ?vrarë? spekulimet se anëtarët e OPEC-ut mund të bien dakord të reduktojnë prodhimin që të rriten çmimet.

?Rezrvat janë në rritje dhe tensioni mes Iranit dhe Arabisë Saudite e ka bërë të pamundur arritjen e ndonjë marrëveshje mbi prodhimin,? tha Michael Heëson, kreu i strategjisë në CMC Markets.

Kontratat e së ardhmes për treguesin referencë për naftën e papërpunuar evropiane, Brent ishin në 35.07 dollarë për fuçi, 1.35 dollarë më ulët në ditë, dhe në nivelit më të ulët të tyre që nga fillimi i korrikut të vitit 2004, pasi arritën rënien e tyre më të madhe një-ditore në përqindje në gati pesë javë.

Kontratat e së ardhmes për naftën e papërpunuar amerikane ranë 88 cent në 35.09 dollarë për fuçi, pasi kishin rënë tashmë 79 cent një ditë më parë.

Nafta ka rënë nga shifra mbi 115 dollarë në qershor të 2014-ës teksa shisti argjilor i Shteteve të Bashkuara ka ?përmbytur? tregun, ndërsa çmimet në rënie kanë nxitur disa prodhues të pompojnë edhe më shumë me qëllim që të kompensojnë të ardhurat më të ulëta si dhe të ruajnë pjesën e tregut.

Përvec mbi-ofertës ekzistuese, eksportet e naftës iraniane priten gjerësisht të rriten në vitin 2016 teksa ka të ngjarë të eleminohen sanksionet perëndimore ndaj Teheranit për programin e dyshuar të armëve bërthamore.

?Prodhimi i shistit dhe rritja e kapacitetit nga vende si Rusia, të cilët kanë nevojë të mbrojnë të ardhurat kombinuar me pritshmëritë e intensifikimit të furnizimit nga Irani nënkuptojnë rritje të prodhimit aktual, si dhe pritshmërve të prodhimit të ardhshëm./Monitor