web counter
LEXO PA REKLAMA!

SHKARKO APP

App Store
Google Play

Eksporte në krizë, bien me 100 milionë dollarë në 10 muaj

28 Nëntor 2015, 15:03, Ekonomi CNA

Eksportet u rrudhën me 9.3 për qind në muajin tetor krahasuar me të njëjtin muaj të vitit të kaluar, duke shënuar një nga rëniet më të forta të viteve të fundit. Të dhënat zyrtare nga Instituti i Statistikave tregojnë se muajin e kaluar Shqipëria eksportoi gati 20 milionë dollarë më pak mallra se sa në tetor të 2014-ës. Ky është muaji i katërt me radhë me radhë që eksportet bien. Kjo ka bërë që në total si dhjetëmujor Shqipëria të ketë eksportuar këtë vit gati 100 milionë dollarë më pak se e njëjta periudhë e vitit të kaluar.

Rënie pas 6 vjetësh

Kjo është hera e parë pas gjashtë vitesh që eksportet rrudhën me bazë vjetore. Herën e fundit, Shqipëria është përballur me rënie të eksporteve në vitin 2009, kur ekonomia botërore u zhyt në recesion të thellë. Por pas atij viti, eksportet e kompanive shqiptare jashtë janë rritur me ritme të shpejta. Sipas INSTAT nga 1 miliardë dollarë që ishin në vitin 2009, eksportet arritën në 2.5 miliardë vitin e kaluar me një rritje prej gati 2.5 herë në harkun e pesë viteve.

Por këtë, vetëm si 10-mujor eksportet kanë rënë me 100 milionë dollarë krahasuar me vjet, një shifër kjo që ka gjasa të rritet deri në fund të vitit. Në fakt, rënia e eksporteve këtë vit është diktuar kryesisht nga grupi i mineraleve naftës dhe energjisë elektrike, ku peshën më të madhe e ka nafta për shkak të rënies së çmimeve të këtij produkti në tregjet ndërkombëtare. Por muajt e fundit eksportet kanë filluar të rrudhen edhe në grupin e tretë më të madh, atë të materialeve të ndërtimit dhe metaleve.

Rënia e eksporteve në dy grupet më të mëdha e bën të vështirë kompensimin e tyre nga rritja e eksporteve në zërat e tjerë.  Edhe pse këto grupe janë në përmirësim, të ndjeshëm, sidomos artikujt bujqësor dhe makineri pajisjet, pesha e tyre e vogël, në raport me totalin, bën që ato të mos kenë ndikimin në trendin e përgjithshëm të eksporteve





Lajmet e fundit nga