INSTAT: Defiçiti tregtar në muajin tetor llogaritet 30 miliardë lekë

27 Nëntor 2015, 12:37, Ekonomi CNA

Në muajin tetor te vitit 2015 eksportet e mallrave arritën vlerën 20 miliarde lekë, duke u ulur me 9,3 % në krahasim me muajin tetor 2014 dhe 1,0 % në krahasim me muajin shtator 2015. Sipas INSTAT, Importet e mallrave në muajin tetor 2015 arritën vlerën 50 miliarde lekë, duke u ulur me 4,3 % në krahasim me tetorin e vitit 2014 dhe duke u rritur me 14,0 % në krahasim me shtator 2015. Defiçiti tregtar i këtij muaji është 30 miliarde lekë, duke u ulur me 0,6 % krahasuar me muajin tetor 2014 dhe duke u rritur me 27,0 % në krahasim me muajin shtator 2015.

Ulja vjetore e eksporteve prej 9,3 % këtë muaj është ndikuar kryesisht nga grupet ?minerale, lëndë djegëse, energji elektrike? me -8,7 pikë përqindje, ?materiale ndërtimi dhe metale? me -2,4 pikë përqindje, ?prodhime druri dhe letre? me -0,9 pikë përqindje. Në ndryshimin vjetor të eksporteve kanë ndikuar pozitivisht grupet ?tekstile dhe këpucë? me +2,3 pikë përqindje, ?ushqime, pije, duhan? kanë kontribuar me +1,0 pikë përqindje, ?produkte kimike dhe plastike? me +0,4 pikë përqindje.

Ulja vjetore e importeve prej 4,3 % këtë muaj është ndikuar kryesisht nga grupet ?minerale, lëndë djegëse, energji elektrike? me -4,0 pikë përqindje, ?materiale ndërtimi dhe metale? me -2,2 pikë përqindje, ?ushqime, pije, duhan? me -1,0 pikë përqindje. Në ndryshimin vjetor të importeve kanë ndikuar pozitivisht grupet ?tekstile dhe këpucë? me +2,0 pikë përqindje, ?makineri, pajisje dhe pjesë këmbimi? me +1,2 pikë përqindje, ?lëkurë dhe artikuj prej tyre? me +0,7 pikë përqindje.

Në muajin tetor 2015, vendet me të cilët Shqipëria ka pasur rritje më të madhe të eksporteve, në krahasim me muajin tetor 2014 janë Greqia me 33,7 %, Gjermania me 30,3 % dhe Kina me 260,4 %. Ndërsa vendet me të cilat eksportet kanë pasur uljen më të madhe janë Italia me 18,9 %, Kosova me 19,7 % dhe Spanja me 12,9 %.
Në muajin tetor 2015, vendet me të cilët Shqipëria ka pasur rritje më të madhe të importeve, në krahasim me muajin tetor 2014 janë Kina me 17,5 %, Turqia me 21,2 % dhe Franca me 6,1 %. Ndërsa vendet me të cilat importet kanë pasur uljen më të madhe janë Italia me 4,2 %, Greqia me 32,3 % dhe Gjermania me 11,5 %.

Shkëmbimet tregtare me vendet e BE zënë 67,9 % të gjithë tregtisë. Në muajin tetor 2015, eksportet drejt vendeve të BE-së zënë 81,3 % të eksporteve gjithsej dhe importet nga vendet e BE-së zënë 62,5 % të importeve gjithsej. Partnerët kryesorë tregtarë janë Italia (37,3 %), Kina (7,1 %), Greqia (5,9%) dhe Turqia (5,7 %).