web counter
LEXO PA REKLAMA!

SHKARKO APP

App Store
Google Play

Tunelet e ushtrisë nxirren në ankand për kultivimin e kërpudhave

11 Janar 2016, 11:42, Ekonomi CNA

Siç njoftohet ne APP dhënia me qira e pasurisë bëhet me qëllim përdorimin e saj për zhvillimin e aktivitetit ekonomik me objekt rritjen dhe kultivimin e kërpudhave.

Vlera dysheme për detyrimin e qirasë, për fillimin e konkurrimit, është 44 370 (dyzet e katër mijë e treqind e shtatëdhjetë) lekë/muaj.
Afati i dhënies me qira të kësaj pasurie është 20 (njëzetë) vjet.

Vlerësimi i ofertave të konkurrentëve do të bëhet me pikët si vijon:
? investimi me 40 pikë,
? Punësimi me 30 pikë,
? Tarifa mujore e qirasë me 30 pikë.
Konkurrimi do të zhvillohet më datën 18 janar 2016 ora 1000, në Ministrinë e Zhvillimit Ekonomik, Turizmit, Tregtisë dhe Sipërmarrjes, sipas procedurave të parashikuara në Vendimin e Këshillit të Ministrave Nr.54, datë 05.02.2014.

Konkurrentët do të paraqesin para komisionit, në datën dhe orën e caktuar, dokumentacionin si vijon:

a) Kërkesën e subjektit për marrjen me qira të objektit.
b) Plan biznesin, ku të përshkruhet qartë qëllimi i përdorimit, aktiviteti që do të zhvillohet, plani i investimeve, vlera e investimeve, zërat dhe fazat e zhvillimit të tyre, plani i punësimit, periudha e realizimit të tyre, etj.
c) Ofertën për detyrimin mujor të qirasë.
ç) Ekstraktin e regjistrimit të subjektit të lëshuar nga QKR.
d) Ekstraktin historik të regjistrimit të subjektit të lëshuar nga QKR,
dh) NIPT-in e subjektit, fotokopje e noterizuar,
e) Vërtetim nga Dega e Tatimeve për shlyerjen e detyrimeve tatimore dhe sigurimeve shoqërore.
f) Vërtetim nga institucionet përkatëse se subjekti nuk është në ndjekje penale dhe nuk është në proces gjyqësor që lidhet me veprimtarinë që ushtron.
g) Në rastet kur subjekti konkurrues zhvillon aktivitet me qira në objekte pronë shtetërore, të paraqesë vërtetim nga institucioni që administron pronën për shlyerje të detyrimeve, në të kundërt të paraqesë deklaratë me shkrim se nuk ushtron aktivitet në objekte shtetëror./monistor.al





Lajmet e fundit nga