web counter
LEXO PA REKLAMA!

SHKARKO APP

App Store
Google Play

Vizat/ Raporti 2015 i UNWTO-s : Shqipëria një vend mesatarisht i hapur

22 Janar 2016, 11:33, Ekonomi CNA

Organizata Botërore e Turizmit (UNWTO) ka publikuar raportin për vitin 2015, sa i përket çështjes së liberalizimit të vizave, si një tregues që ndikon në industrinë e turizmit. Ky është një raport që merr në konsideratë progresin e bërë në lehtësimin e vizave në shtatë vitet e fundit, politikat që janë ndërmarrë për të mbështetur destinacione të ndryshme, etj.
Në raport, Shqipëria konsiderohet si një vend i hapur në mënyrë të moderuar.
(Indeksi i hapjes 25-52). Raporti i ndan vendet në katër kategori me numër të barabartë shtetesh ( në hartë sa më e hapur ngjyra aq më e lartë hapja ndaj vizave).
Pavarësisht sfidave, bota vazhdon të hapet dhe kjo është në nivelin e saj më të lartë. Sipas raportit të UNWTO-s 18% e popullsisë mund të udhëtojë pa viza, rreth 15% kërkon viza, ndërsa 6% duhet të pajiset me një eVisas. Sipas të dhënave, përmirësime në pajisjen me viza në periudhën 2010-2015 në 7,421 destinacione.
Raporti cilëson se shtetet e Europës vazhdojnë të jenë ndër destinacionet më kufizuese. Mesatarisht rreth 76% e popullsisë së botës duhet të pajiset me viza për të hyrë në territoret e saj (viza tradicionale elektronike).
Në vitin 2014, askush nuk mund të hynte në Europë pa një eVisa, kjo shifër ndryshoi në 2% në 2015-ën, kjo falë politikave të ndjekura nga vendet e Europës Qendrore dhe Lindore.
Vizat tradicionale kërkohen më së shumti në desinacionet e Afrikës Qendrore (92%), të Afrikës Veriore (84%), Amerikës Veriore (83%), duke u ndjekur nga katër nënrajonet e Europës, si dhe ato të Afrikës së Jugut dhe të Lindjes së Mesme./ monitor.al





Lajmet e fundit nga