E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Jorida TABAKU/ Sot, të gjithë ne jemi berlinezë!

9 Nëntor 2015, 19:07, Opinione CNA

Në këtë ditë nëntori, përkujtojmë me gëzim kurajon e atyre që guxuan dhe mundën të rrëzojnë perden e hekurt që abuzivisht ndante një qytet. Nëntë nëntori është dita e përkujtimit se liria e njeriut është mbi gjithçka, për ne shqiptarët pamjet apo jehona e atyre imazheve që mendonim gjatë viteve të një rregjimi çnjerëzor. Qenë si një thirrje shprese, që fshehtas politbyrosë që komandonte nga vilat e Bllokut, krjonte një dritë shpëtimi se era e ndryshimit do të vinte.

Rënia e atij muri, dëshmonte se totalitarizmat nuk mund të mbijetojnë dhe as të jenë të përjetshëm se edhe diktatorët më të frikshëm kanë fundit e hidhur. Në këtë 26 vjetor të vjen në mendje thirrja e parë e protestuesve gjermano-lindor që këndonin “Wir wollen raus!” (Ne duam të ikim!) e që sot na kujton thirrjen e shqiptarëve që duan të largohen nga një vend që nuk i ngjall më shpresë. Thirrje e gjermanëve që shumë shpejt u shndërrua në “Wir bleiben hier” (Ne, duam të qëndrojmë këtu!), ishte kjo nisja e asaj që u quajt ?Revolucioni Paqësor? dhe që solli rrëzimin e perdes së çmendur që një diktaturë vendosi mes një kombi dhe mes një kontinenti.

Kjo është dita e cila përkujton se një botë e lirë dhe demokratike mund të prodhojë revolucione paqësore, të cilat nuk përpiqen të instalojnë diktatura por liri dhe demokraci. Nën këtë thirrje jo më larg se një vit nga 9 Nëntori 1989, shqiptarët u ngritën për të kërkuar edhe ato rrëzimin e kloneve në kufi dhe largimin e një grup kriminelësh që kishin pushkatuar me mijëra. Dhe kishin izoluar një komb fizikisht dhe mendërisht nga perëndimi, duke i alienizuar në një diktaturë që mund të lexohet në librat e Orwellit.

Ndaj kjo ditë duhet të jetë një reflektim mbi atë çfarë fuqia e të gjithëve ndaj tiranisë së pushtetit mund të kryejë. Kjo duhet të jetë një ditë që duhet të ngjallë shpresën dhe guximin për të arritur të mirën dhe për të kënduar tanimë “Wir bleiben hier” (Ne, duam të qëndrojmë këtu!) sepse vetëm ne mund ta ndërtojmë të ardhmen e mirë të fëmijëve tanë!