E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Edi Rama projekton politizimin e plotë të shtetit

8 Nëntor 2015, 18:43, Opinione CNA

Nga Erget CENOLLI

Korçë- Kryeministri i Shqipërisë ditën e shtunë, gjatë një takimi partiak që ka patur në këtë qytet, ka urdhëruar që, për një kohë të shkurtër anëtarësia e Partisë Socialiste të shkojë në 150 mijë.
Ky padyshim është një politizim dhe socialistizim i të gjitha qelizave të shtetit shqiptar. Duke e llogaritur secilin prej antarëve pjesëtar në një familje me 4 persona shuma shkon në 600 mijë anëtarë të PS. Duke marrë parasysh edhe lidhjet e ngushta farefisnore të popullit të dashur shqiptar dhe t?i shtojmë familjes një xhaxha dhe një hallë na del se Partia Socialiste do të shkoje të paktën në 900 mijë anëtarë. Pra komplet shteti dhe pushteti lokal do të jenë socialistë me tesër vetjake ose fisnore.
Po si do të tërhiqen këta 150 mijë anëtarë !? Në ditët e sotme me sjelljen aktuale të qeverisë aktuale, zor se i përqafon njeri idealet socialiste. Mendoj se gjithë rrekrutimi i anëtarëve do të bëhet nëpërmjet punësimit në ndërmarrjet shtetërore apo bashkiake. Duke mënjanuar dora ? dorës militantët, mbështetësit dhe simpatizantët e partive të tjera, socialistët ramaistë do të mund të zaptojnë gjithë shtetin, duke e bërë atë me zyra shtetërore socialiste, shkolla publike socialiste, spitale publike socialiste, parqe publike socialiste, rrugë publike socialiste, kulla betoni socialiste e kështu me radhë pambarim.
Në ndodhtë kështu, atëhere 1 milion e 900 mijë shqiptarëve të tjerë që banojnë brenda kufijvë, do t?iu duhet të largohen nga dheu amë pasi gjithçka do të jetë ngjyer me bojë çiklami, të gjithë do të flasin gjuhën socialiste; dhe popullit josocialist shqiptar do t?i ngjasë si në atë poezinë e Sergei Eseninit:
”AH mëmëdhe, ç’më bëre qesharak!
Një e skuqur më shket faqeve dhe druaj
T’i flas ndokujt, se s’më kupton aspak…
Në vendin tim po ndihem krejt i huaj!”