E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Nga Lutfi Dervishi / Shqipëria paralajmëron Gjermaninë për azilkërkuesit!

7 Nëntor 2015, 08:10, Opinione CNA

Çështja azilkërkuesve ishte tema kryesore e bisedimeve sot në Tiranë, mes ministrit të Brendshëm Tahiri dhe homologut gjerman.

1- Tahiri tha se e mirëkupton gjendjen e vështirë që po kalon Gjermania dhe BE në veçanti për shkak të krizës së refugjatëve, por në të njëjtën kohë bëri thirrje që Gjermania të marrë masat që të ulet fluksi i azilkërkuesve gjermanë në Shqipëri.

Shqipëria mirëkupton dhe dialogon me Berlinin dhe Brukselin. Ne jemi të ndërgjegjshëm që kontinenti ka barrën më të rëndë për të përballuar që nga mbarimi Luftës së Dytë Botërore, por ne jemi absolutisht të mendimit se duhet të ketë një ndarje dhe përgjegjësi për të përballuar situatën. Të vetëm e kemi të vështirë, së bashku-gjithçka është e mundur- theksoi zoti Tahiri.

? Ne jemi në rrugë të mbarë dhe për herë të parë në këto 25 vjet, ekonomia është në drejtimin e duhur, rendi është në drejtimin e duhur, vendi është në drejtimin e duhur, por ne kërkojmë që gjermanët dhe italianët të kuptojnë që ekonomia shqiptare megjithë rritjen e paparashikuar nuk mund të përballojë azilkërkues të tjerë.

? Nga ana e tij ministri gjerman Thomas de Maziere, tha se sipas shifrave që disponon dikasteri i tij shumica e azilkërkuesve gjermanë në Shqipëri, nuk janë nga Gjermania, por nga diaspora gjermane, nga gjermanë që punojnë në vende të tjera të Europës.

? I pyetur nga gazetarët për fluksin e pandërprerë të gjermanëve që kërkojnë azil në Shqipëri, ministri Brendshëm shqiptar tha se ?njerëzit nga natyra kërkojnë të shkojnë në vende ku sundon shteti ligjor, ku reformat japin rezultat dhe ku para ligjit të gjithë janë të barabartë. Rritja ekonomike e Shqipërisë dhe parashikimet optimiste të Bankës Botërore, bëjnë që gjermanët ta shohin, ta ndjejnë ta nuhasin edhe më parë se në shqiptarët që këtu po ndodh, pavarësisht se nuk e sheh opozita dhe cinikët- mrekullia ekonomike!

Ministri foli me fakte për mrekullinë ekonomike shqiptare. Edhe pse rritja ekonomike ka qenë e kontraktuar në nivelin 1% kemi hapur mbi 120 mijë vende të reja pune. Asnjë vend, në asnjë kohë dhe në asnjë sistem nuk ka mundur që me rritjen 1% të ekonomisë të hapë 100 mijë vende pune!

Nga ana e tij ministri gjerman de Maziere, tha se është i mahnitur me punën e pa lodhur dhe reformat e thella të qeverisë shqiptare! Kolegu shqiptar më njohu me postimet më të fundit që kishte bërë në Facebook, po ashtu edhe retweet që i kishte bërë tweteve të kryeministrit. Jam i impresionuar dhe jam I gëzuar që Tirana zyrtare më konfirmoi se do të mirëpresë gjithë qeverinë gjermane dhe kancelaren Merkel, për të mësuar nga kolegët shqiptarë për postimet në Facebook, fotot në Instagram dhe sidomos në përgatitjen e lajmeve televizive.

Ne në Gjermani, kemi shumë për të mësuar. Kancelarja gjermane del në televizor 29 minuta në një muaj, ndërsa kryeministri këtu del 4 orë në ditë. Qartazi çalon puna jonë, por çalon edhe puna e medias gjermane.

Gjermania angazhohet të nisë një fushatë ndërgjegjësimi që qytetarët e saj të mos vijnë në mënyrë masive në Shqipëri. Por ne bëjmë thirrje ndaj autoriteteve shqiptare të na mirëkuptojnë për gjendjen e vështirë që po kalojmë.

Ministri Brendshëm Tahiri tha se nëse nuk ndalet fluksi i azilkërkuesve gjermanë, Shqipëria do të rivendosë regjimin e vizave, e ndërgjegjshme se në këtë mënyrë cënohet parimi thelbësor mbi të cilat është ndërtuar BE- lëvizja e lirë!

?Edhe nëse shkojmë drejt masave ekstreme, kjo do të jetë e përkohshme? ? garantoi homologun gjerman, ministri Tahiri.

Për muajin tetor, Frontex raportoi se 4680 gjermanë kërkuan azil në Shqipëri. Sipas të dhënave zyrtare nga Janari në tetor të këtij viti 49692 gjermanë janë regjistruar si azilkërkues në 61 bashkitë e vendit. Një vit më parë kjo shifër ka qenë 6271!