E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Rama: Rritja ekonomike, e bazuar tek integrimi ekonomik rajonal

30 Tetor 2015, 08:59, Aktualitet CNA

Kryeministri Edi Rama deklaroi sot në Konferencën Vjetore të Bankës së Shqipërisë se rritja ekonomike e vendeve të rajonit bazohet tek integrimi ekonomik rajonal.

Duke cituar raportin e Bankës Botërore për Europën Juglindore, Kryeministri Rama tha se, ?asnjë rajon tjetër në Europë nuk është më i ndjeshëm ndaj krizës së Euros se vendet e Europës Juglindore.
?Përballja me krizën e fundit globale vuri në provë zbatimin e gjithë opsioneve. Rajoni ynë u prek rëndë nga kriza fiskale. Aktiviteti ekonomik në Europën Juglndore vuan nga kreditimi. Ne kemi shumë redi jo performuese?, tha Rama.

Kryeministri u shpreh se, ?sfidat e reja nuk mund të trajtohen nga seicili vend ne mënyrë të izoluar. Problematikat e rajonit janë të lidhura me fatin e zonës në tërësi. Për ecurinë e vendeve tona, me rëndësi është ecuria e gjithë shteteve bashkë. Rritja ekonomike duhet të jetë e bazuar në integrimin rajonal?.

Sipas kreut të qeverisë , nevojitet një ekonomi gjithëpërfshirëse dhe inteligjente përtej kufijve të vendeve me ekonomi shumë të vogla.

Sipas tij, ?shenjat inkurajuese të rritjes nuk mjaftojnë, megjithëse është bërë progres në raport me kreditë e këqija, pasi pas 7 vitesh janë ulur?.

Rama tha se, ?kriza tregoi se lojtarët e tregut nuk ishin të përgatitur të menaxhonin situatat. Kriza ka vënë në dukje se bashkimi ndërkombëtar ekonomik ka vënë në lëvizje sfida të reja?.

?Për herë të parë në Konferencën e Vjenës në 27-28 gushtin e shkuar vendet e këtij rajoni hodhën një hap të përbashkët për të paraqitur plane të përbashkëta në funksion të integrimit ekonomik të tyre në rajonin e gjerë Europian?, theksoi Rama.

Sipas tij, ?ky hap i parë është shprehje e vetëdijes që po formësohet në rajon. Kjo është një situatë që nuk mund të përballohet në mënyrë të pjesshme?.

Rama u shpreh se bujqësia dhe energjia janë dy sekorët më tërheqës në ekonominë shqiptare.