web counter
LEXO PA REKLAMA!

SHKARKO APP

App Store
Google Play

E fundit!

x

Nisin hetimet për “Lagunën Blu”: Tërhiqen për hetim dosjet e pronësisë dhe leja e ndërtimit

29 Tetor 2015, 18:15, Aktualitet CNA

Prokuroria ka tërhequr për hetim dosjen e skandalit tek ?Laguna Blu?, pas denoncimit dhe të një prej bashkpronarëve të këtij kompleksi turistik.

Prokuroria ka tërhequr dosjen mbi të cilën është fituar pronësia si dhe dosjen e lejes së ndërtimit.

Ndërkohë, struktura të krimit ekonomik po ashtu po hetojnë dosjen dhe mënyrën se si është tjetërsuar prona shtetëtërore në pronë private.

Vendimi i Gjykatës që ka tjetërsuar pronën shtetërore në pasuri të Aleksandër Frangaj, është një nga skandalet e mëdha të drejtësisë shqiptare, pasi gjyqtari Artur Gaxhi, konsideron terenet sportive, si ndërtesa sportive.

Skandali bëhet dhe më i madh kur shikon që ka pasur dhe një ekspert gjykate që e ka pranuar këtë, ndërkohë që beteja e banorëve është të ruhen fushat sportive, ku Frangaj synon të ndërtojë.

Një pikë tjetër e shkeljes flagrante të procedurave të lejes së ndërtimit, është dhe detyrimi që Frangaj ka pasur të ekspozoj në mjediset e fshatit turstik aplikimin për leje ndërtimi për pesë ditë rresht, që ta shikonin banorët.

Ky detyrim buron nga shkresa e Komunës së Golemit, e cila në paragrafin e fundit të saj thotë:

?Ju bëjmë me dije se keni detyrimin që brenda 5 ditëve nga data e pranimit të kërkesës, të bëni njoftimin publik në vende të dukshme në afërsi të vendit ku do të kryehen punimet dhe brenda saj??

Edhe ky kusht, nuk është plotësuar.

Edhe sot banorët e ?Lagunës Blu? nuk e kanë parë lejen e ndërtimit të Frangajt, ndërkohë që sipas Komunës, ajo ka skaduar dhe duhet të ripërtërihet, tashmë nga Bashkia e Kavajës dhe Autoriteti i Bregdetit.





Lajmet e fundit nga