web counter
LEXO PA REKLAMA!

SHKARKO APP

App Store
Google Play

E fundit!

x

Rama: Ja pse zgjodha Jaguarin

29 Tetor 2015, 13:24, Aktualitet CNA

Rama i ka dhënë përgjigje edhe akuzave të opozitës për marrjen me qira të automjeteve tip Jaguar. Ai theksoi se qeveria ka ndryshuar sistemin për të kursyer para, duke thënë se vetëm në një vit me marrjen me qira dhe jo blerje e mirëmbajtje, kursehen gjysmë milionë euro.

?Kemi bërë atë që bëjnë gjithë qeveritë sot, të paktën në vendet normale nuk blejnë më makina, por kanë sistemin e leasing që përfshin gjithë mirëmbajtjen. Atëherë totali i shpenzimeve për blerjen e 22 automjeteve, jo të kryeministrisë por të KM, ka kosto 379 766 euro më shumë se sistemi i qirasë. Kostot mesatare e viteve, jo një viti?­ tha ai, duke shtuar se në analet e KM edhe paraardhësi Berisha kishte synuar ta bënte këtë gjë, ?por për arsye të panjohura procesi nuk shkoi në fund?.

Sipas Ramës, sot qeveritë kështu funksionojnë, jo blerje e mirëmbajtje secili si ti teket, por me sistem, ajo që i duhet qeverisë që makinat të jenë në standarde sigurie, të tjerat i ka kontraktori.
?Nëse totali i kostos sikur të blinim dhe të shpenzonim për mirëmbajtje si mesatare 636 393 euro me këtë sistem paguhen 494 254 euro, 141 mijë euro kursim në vit?­ tha ai, duke thënë se kursehen gjysmë milionë euro.

Rama ka thënë se është zgjedhur jaguari sepse është më i lirë se të tjerat që mund të preferonte opozita.

?Sa për emrin që e preferoni se jeni edhe nga zonat me faunë të zhvilluar, Jaguari është më i lirë se Volswagen dhe Mercedesi, është më i lirë, ne kursejmë dhe nuk shpenzojmë, verifikojini, 60 mijë euro më pak. Ky është menaxhim, por ju nuk e kuptoni se po ta kuptonit do ta kishit bërë vetë?­ tha Rama.





Lajmet e fundit nga