E fundit!

15:52 Kronika

Pezullohet nga detyra ish-drejtori i Policisë Shkodër/ Nuk pranoi postin e ri

Agjencia e Mbikëqyrjes Policore ka pezuluar nga detyra ish...

Koncesioni i Rrugës së Kombit, 4 kompani dorëzojnë ofertat teknike

29 Tetor 2015, 15:32, Aktualitet CNA

Katër kompani paraqitën të enjten pranë Komisionit të Vlerësimit të Ofertave të ngritur në Ministrinë e Transportit dhe Infrastrukturës ofertat teknike për të marrë me koncesion Rrugën e Kombit.

Dorëzimi i ofertave financiare të kontratës koncesionare për mirëmbajtjen e rrugës së Kombit parashikohej të bëhej më 15 tetor. Por kompanitë e parakualifikuara kërkuan më shumë kohë për të bërë çertifikimin financiar. Koncensioni është i kombinuar, mirëmbajtje dhe përfundim, pasi rruga ka nevojë për disa investime kapitale të rëndësishme për të përfunduar si vepër. Tashmë koncesionit i është hapur drita jeshile dhe më datë 2 nëntor, pritet të shpallet kompania fituese.

Koncesioni do të zgjasë për një periudhë 30-vjeçare dhe kompania fituese do të mbledhë dhe të mbajë të ardhurat nga taksa dhe në këmbim do të ketë përgjegjësinë për të zbatuar dhe financuar përmirësimet e autostradës, të ndërtojë një urë të re mbi lumin Drin në Kukës dhe të zbatojë punimet më urgjente gjeoteknike të stabilizimit.

Enti ministerial ka miratuar tarifën prej 5 eurosh me tvsh të përfshirë për përdorimin e Rrugës së Kombit për automjetet, ndërsa për mjetet e tjera të transportit ka një formulë ngjitjeje të njohur ndërkombëtarisht.

Autostrada Durrës-Kukës-Morinë nisi ndërtimin në vitin 2003 kur Banka Botërore financoi studimin e fizibilitetit që përshkon kjo autostradë dhe u hap në qershor të vitit 2009. Kjo autostradë e lidh Durrësin dhe Shëngjinin me vendkalimin kufitar me Kosovën në Morinë.

Ajo ka një gjerësi 25-31 metra, gjatësi prej 170 kilometra dhe shpejtësi 80?120 km/h. Nga kufiri në Morinë deri në Durrës, rruga ekzistuese 180 kilometërshe që përshkohej për 6 deri 7 orë, është kthyer në një rrugë të shpejtë që të mund të kalohet për vetëm 2,5 orë.

Autostrada Durrës-Kukës-Morinë eshtë rrugë që lidh kombin dhe i shërben rajonit, pasi është aks i rëndësishëm që na lidh me Ballkanin Lindor, por edhe me Europën Qendrore dhe Lindore.