web counter
LEXO PA REKLAMA!

SHKARKO APP

App Store
Google Play

E fundit!

x

Holanda merr Presidencën e BE/ Paralajmëron Shqipërinë: Bllokadë deri në zhdukjen e korrupsionit

30 Tetor 2015, 07:30, Aktualitet CNA

Holanda, në janar të vitit 2016, pra pas dy muajsh, merr Presidencën e Bashkimit Europian. Në këtë kuadër, zëvendësministrja e Jashtme, Renee Jones Bos, ka paralajmëruar se avancimi i Shqipërisë në rrugën drejt Bashkimit Europian do të kushtëzohet me luftën ndaj korrupsionit. Sipas saj, korrupsioni në Shqipëri është një shqetësim serioz që sjell një zinxhir pasojash negative në vend. ?Ne duhet të jemi të sinqertë. Korrupsioni është me të vërtetë shqetësim. Mendoj se korrupsioni, së bashku me një sistem drejtësie që nuk mirëfunksionon, shërben si një vështirësi në zhvillimin ekonomik të vendit?, deklaroi zv.ministrja e Jashtme e Holandës. Ajo shtoi se, korrupsioni është një problem shqetësues për biznesin dhe për investitorët. ?Është e vështirë për kompanitë, ato duan transparencë dhe nëse kanë një problem, t?i drejtohen gjyqësorit apo nëse ka korrupsion, të goditet?, shtoi Renee Jones Bos, në një intervistë për Top Channel. Zëvendësministrja e Jashtme e Holandës foli edhe për reformën në drejtësi. Ajo e cilësoi reformën në gjyqësor vendimtare për avancimin e Shqipërisë në rrugën e integrimit drejt Bashkimit Europian. ?Reforma në drejtësi është një prej atyre gjërave të vështira për t?u realizuar. Është më kryesorja për t?u realizuar. Çdo demokraci e meriton të ketë një sistem drejtësie të mirë. Nëse nuk e kemi një drejtësi të tillë, atëherë demokracia nuk është funksionale. Për Shqipërinë kjo reformë është një prej aspekteve më vendimtare. Ne e ndihmojmë Shqipërinë dhe nuk themi çfarë është mirë apo keq, pra jemi partnerët tuaj. Sot kam takuar shumë njerëz, mes tyre dhe studentë që studiojnë për drejtësi në Holandë. Këtu ne kemi një program për shtetin e së drejtës. Do të punojmë bashkë për hapat e tjerë?, tha Renee Jones Bos.

Prioritetet  

Zëvendësministrja e Jashtme e Holandës paraqiti një tablo jo të mirë sa i përket plotësimit të prioriteteve nga ana e autoriteteve shqiptare. Ajo theksoi se Shqipëria nuk ka plotësuar 5 prioritetet e kërkuara nga Bashkimi Europian, ku veçoi luftën kundër korrupsionit dhe krimit të organizuar. ?Jo plotësisht deri më tani. Ne duhet të jemi të sinqertë për këtë. Hapa të tjerë duhet të ndërmerren, si për shembull reformimi i sistemit të drejtësisë, lufta kundër krimit të organizuar e korrupsionit. Pra, hapa janë ndërmarrë, por për momentin nuk jemi atje ku duhet?, nënvizoi Renee Jones Bos. Gjithashtu, ajo u shpreh se hartimi dhe votimi i ligjeve është vetëm një proces, por më e rëndësishmja është zbatimi i tyre. ?Hapi i radhës është zbatimi, pasi tjetër gjë është t?i kesh gjërat e shkruara apo të prodhosh ligje dhe tjetër gjë t?i realizosh ato. Dhe, siç thuhet, prova e ëmbëlsirës së Pudingut është kur e konsumon atë. Hapa konkretë, vijueshmëri dhe zbatim. Këto janë ato me të cilat do të përballet Shqipëria?, u shpreh zv.ministrja e Jashtme e Holandës, shtet i cili në janar të vitit që vjen merr Presidencën e Bashkimit Europian. / Sot





Lajmet e fundit nga