web counter
LEXO PA REKLAMA!

SHKARKO APP

App Store
Google Play

Presidenti Nishani: Po përgjohet jeta private e imja dhe e familjarëve të mi

29 Tetor 2015, 22:44, Aktualitet CNA

Presidenti Bujar Nishani deklaroi se përfaqësues të administratës shtetërore po përgjojnë jetën e tij private dhe të familjarëve të tij. Përballë gazetarit Sokol Balla dhe panelit të analistëve Skënder Minxhozi, Mustafa Nano dhe Arjan Vasjari, Presidenti Nishani deklaroi se ka prova dhe fakte në lidhje me përgjimin ndaj tij dhe familjarëve të tij, ndërsa shtoi se nuk i është drejtuar Prokurorisë për të denoncuar këtë, pasi sheh si të fortë influencën e qeverisë mbi sistemin e drejtësisë sot.

?E kam deklaruar publikisht disa herë në mënyrë shumë serioze, që jeta ime private dhe e familjarëve të Presidentit ka qenë nën survejim dhe nën përgjim. Kjo është një çështje që në kontekst raporti institucional është shumë serioze. Për mua nuk përbën asnjë lloj problemi, jam shumë krenar për jetën time private dhe të familjarëve të mi dhe për këtë nuk kam asnjë merak, por është nëj çështje që nuk meriton për momentin të ketë prioritet, por unë nuk do të heq dorë derisa kjo çështje të hetohet nga drejtësia?, deklaroi kreu i shtetit.

?Për fat të keq, në konfirmimin që kam, të shumë provave dhe fakteve që kam, rezervimi im ka të bëjë me influencën e fortë të qeverisë në sistemin e drejtësisë sot për sot?, tha Presidenti i Republikës.





Lajmet e fundit nga